Kaka Wanyalo Medo Lony e Tij Lendo Jiwo Joma Orwako Wach Mondo Obi e Chokruoge

GIMOMIYO MANO DWARORE: E chokruogewa, wayudoga thuolo mar ‘wer ne Jehova’ kendo ‘pake.’ (Za 149:1) E wi mano, ipuonjowaga kaka wanyalo timo dwach Nyasaye. (Za 143:10) Joma orwako wach ma walandonegi kaachiel gi jopuonjre mag Muma ma biro e chokruogewa timoga dongruok mapiyo ahinya.

KAKA WANYALO TIMO MANO:

• Gwel ng’at ma ilendoneno mapiyo kaka nyalore. Ok ochuno ni irit nyaka uchak puonjoru kode Muma eka igwele.—Fwe 22:17

• 

  Lerne ng’at ma ilendoneno gik ma obiro neno ka obiro, kod gik ma wabiro puonjore e chokruogewa ma luwo. Gik ma nyalo konyowa timo kamano gin magi: kalatas migwelogo ji e chokruoge mag kanyakla, vidio mar Ang’o ma Timorega e Kingdom Hall?, kod somo mar 5 kod 7 e brosua mar Gin Jomage Matimo Dwaro mar Jehova e Kindegi?

• 

  Ikri chiwo kony. Be ng’atno diher ni ikonye kaka dochop e chokruok kata konye ng’eyo lewni mowinjore orwaki? Bed kode sama chokruok dhi nyime, kendo usom kode buge mitiyogo e chokruok. Konye mondo ong’ere gi owete gi nyimine