Kwong Idhi Ilos Kuwe gi Owadu—E Yo Mane?

Tem ane paro ni idak Galili e kinde Yesu. Isewuotho nyaka Jerusalem mondo idhi e Sap Kiche. Taon mar Jerusalem odich ahinya gi joma oa e gwenge maboyo ma bende obiro e chokruogno. Idwaro ni ichiw ne Jehova chiwo mari. Omiyo, ichako wuoth e yore madiny kiywayo diel e kind oganda mang’ongo ka idhi e hekalu. Sama ichopo, iyudo ka hekalu opong’ gi jomamoko ma be dwaro golo chiwo maggi. Gikone, ochopo sama koro ichiwe diendi ne Jodolo. Gie kindeno, iparo ni ne uchwanyoru gi owadu moro ma nyalo bedo ni nie kind oganda mobiro Jerusalem. Yesu lero gima onego itim. (Som Mathayo 5:24.) Ere kaka unyalo loso kuwe e kindu kaluwore gi kaka Yesu lero? E weche moler piny kaegi, kiew dwoko makare.

ONEGO . . .

• iwuo gi owadu mana ka iparo ni nitie gimomiyo ochwanyore

• item rieyo owadu ka iparo ni odwa chwanyore mokalo tong’ kata ka en ema omiyo uchwanyoru

• ichik iti malong’o sama owadu wuoyo kata kapo ni ok iwinj tiend weche duto ma owacho, kae to ikwaye ng’wono kuom gima ne otimoreno

OWADU ONEGO . . .

• onyis jomoko e kanyakla mondo oriwe lwedo konyisogi kaka ne ichwanye

• odhawni, osik ka owacho kaka ne ichwanye, kendo ochuni mondo iyie ni iketho

• ofweny bolruok gi chir ma ne inyiso mondo idhi ire, kae to ong’wonni koa e chunye

Kata obedo ni tinde ok wachiw misengini mag le, Yesu ne opuonjo ni nitie tudruok mane e kind loso kuwe e kindwa gi owadwa kod lamo ma Nyasaye oyiego?