WER 73
Miwa Chir
1. Sama walando wach Pinyruoth,
Ka wanyiso ji nyingi,
Wayudo akwede mang’eny
Joma yanyowa be ng’eny.
To ok waluoro dhano,
In e ma nyaka wawinji.
Wasayi miwa roho mari;
A Jehova, winj lamowa.
(KORAS)
Miwa chir e chiwo neno;
Konywa kik wabed maluor.
Miwa teko lando wachni
Ji duto e piny owinj.
Har–Magedon chiegni chopo,
Ka warito odiechieng’no,
Miwa chir e chiwo neno.
Winj lamowa.
2. Wan dhano wabedo maluor,
Ing’eyo ni wan buru.
Isingo ni inisirwa
En singo ma wageno.
Konywa kik wabed moluor
Nikech joma sandowa thoth.
Wakwayi ikonywa waduto
Mondo waland nyingi gi chir.
(KORAS)
Miwa chir e chiwo neno;
Konywa kik wabed maluor.
Miwa teko lando wachni
Ji duto e piny owinj.
Har–Magedon chiegni chopo,
Ka warito odiechieng’no,
Miwa chir e chiwo neno.
Winj lamowa.
(Ne bende 1 The. 2:2; Hib. 10:35.)