NGIMAWA KAKA JOKRISTO

Kaka Joma Okendore Nyalo Tego Kend Margi

Ibrahim kod Sara noketo ranyisi maber ne joma nie kend. Ne giherore kendo ne gimiyore luor. (Cha 12:11-13; 1Pe 3:6) Kata kamano, gin bende ne gin gi chandruok moko e kend ma ne chuno ni ginanee. En ang’o ma joma nie kend nyalo puonjore kuom Ibrahim gi Sara?

Go mbaka gi jaodi. Wuo kode e yo mang’won kata sama ochwanyi nikech ich-wang’. (Cha 16:5, 6) Beduru gi thuolo mar budho kanyachiel. Kony jaodi mondo ong’e ni ihere kuom weche miwacho kod gik mitimone. E wi mago duto, miuru Jehova thuolo mar bedo e kend maru kuom puonjore Muma kanyachiel, lemo kanyachiel, kendo timo gik motudore gi lamo kanyachiel. (Ekl 4:12) Kend ma dhi maber miyo Jehova duong’ nikech en e ma nochako ngima mar kend.

NEURU VIDIO MA WIYE WACHO NI KAKA JOMA OKENDORE NYALO TEGO KEND MARGI, KAE TO UDWOK PENJO MA LUWOGI:

E vidio ma wanenono, ang’o ma nyiso ni hera ma ne nie kind Shaan kod Kiara nosechako dok chien?
Ang’o momiyo dwarore ahinya ni dichwo gi dhako owuo ka gin thuolo ma ok gipando gimoro amora?
Ere kaka ranyisi mar Ibrahim gi Sara nokonyo Shaan gi Kiara?
Gin okenge mage ma Shaan gi Kiara nokawo mondo giteg kend margi?
Ang’o momiyo dichwo gi dhako ok onego opar ni kend margi ok bi bedo gi chandruok kata matin?

Pichni: Pichni mogol e vidio mar ‘Kaka Joma Okendore Nyalo Tego Kend Margi.’ Shaan kod Kiara okawo okenge ma biro tego kend margi. 1. Ng’ato ka ng’ato obet e sofa mabor gi wadgi. 2. Ng’ato ka ng’ato omako lwete nyawadgi. 3. Giwuotho kanyachiel ka gimor sama gin e tij lendo. — Unyalo tego kend maru!