SOMO NAMBA 19
Tim Kinda Mondo Ichop e Chuny Ji
Ngeche 3:1
GIMA INYALO TIMO: Kony jowinjo mondo one ber mar gik ma gipuonjore kod kaka ginyalo tiyo kodgi e ngimagi.
KAKA INYALO TIMO MANO:
Kony jowinjo mondo ginonre. Ti gi penjo ma miyo jowinjo paro matut mondo ikonygi nonore giwegi.
Kony jowinjo mondo gibed gi paro mowinjore. Jiw jowinjo mondo ginon gimomiyo gitimo gik mabeyo. Konygi mondo gitim gik mowinjore nikech gihero Jehova, dhano wetegi, kod puonj mag Muma. Konygi neno rieko mantie e Wach Nyasaye, to kik idhawnegi. Kar kuodo wigi, we mondo twagi ojiwgi kendo okonygi timo gik mabeyo.
Nyisgi pach Jehova. Nyisgi kaka chike kod puonj mag Muma konyowa fwenyo kido mag Nyasaye kod kaka oherowa. Kony jowinjo mondo gibed gi gombo mar timo gik ma moro Jehova.