Nonro mag Chenro mar Chokruok mar Ngimawa kod Tijwa
© 2022 Christian Congregation of Jehovah’s Witnesses
JANUAR 2-8
MWANDU MA YUDORE E WACH NYASAYE | 2 RUODHI 22-23
“Ang’o Momiyo Onego Wabed Joma Obolore?”
w00-SW 9/15 29-30
Jehova Noyie gi Josia Nikech Nobolore
Joma ne loso kuonde ma nokethore e hekalu ne tiyo matek chakre okinyi mang’ich. Onge kiawa ni Josia ne mor ahinya gi kaka jotichgo ne oloso kuonde ma kwerene ma ne ok lam Jehova noketho. Kaka tich ne medo dhi nyime, Shafan nokelo ne ruoth ripot moro. Ne en ripot mane? Ne obiro ka oting’o buk modol e lwete! Ne owacho ni Hilkia Jadolo Maduong ne oyudo “buk mondikie chik Jehova ma ne Musa omiyo Jo-Israel.” (2 Weche mag Ndalo 34:12-18) Onge kiawa ni mano ne en buk ma Musa owuon e ma nondiko!
Josia ne gombo ahinya winjo weche ma ne nie bugno. Sama Shafan ne somo bugno, ruoth ne paro kaka en kaachiel gi ogandane ne ginyalo tiyo gi chike ma nie bugno. Gima ne omore ahinya en kaka bugno ne ojiwo lamo madier, kaka ne okoro masiche ma ne dhi yudogi ka gidonjo e lamo mar miriambo kod kaka mano ne dhi miyo otergi e tuech. Ka ne Josia ofwenyo ni ji ne ok luw chike duto mag Nyasaye, noyiecho lepe monyiso Hilkia, Shafan, gi jomamoko niya: ‘Dhiuru upenj Jehova weche mondik e buk moyudni. Nimar Jehova nigi mirima mager kodwa nikech kwerewa ne ok otimo kaluwore gi weche duto mondiknwa e bugni.’—2 Ruodhi 22:11-13; 2 Weche mag Ndalo 34:19-21.
w00-SW 9/15 30 ¶2
Jehova Noyie gi Josia Nikech Nobolore
Joma Josia nooro ne odhi ir Hulda janabi ma dhako ma nodak Jerusalem kendo ne giduogo gi ripot moro. Hulda nonyisogi wach Jehova ni masiche ma ne ondik e bugno ne dhi yudo oganda ma ne oseweyo lamo Nyasayeno. To nikech Josia nobolore e nyim Jehova Nyasache, masichego ne ok dhi timore ka pod ongima. Ne idhi iyike gi kuwe kaachiel gi kwerene.—2 Ruodhi 22:14-20; 2 Weche mag Ndalo 34:22-28.
Puonj Manie Wach Nyasaye
w01-SW 4/15 26 ¶3-4
Ngimani Pod Nyalo Bedo Maber Kata Bed ni ne Idongo Nade
Josia notimo gik ma moro Jehova kata obedo ni ne odongo e ngima marach. Lochne ne odhi maber mana kaka Muma wachonwa niya: “Onge ruoth moro amora ma ne olocho motelone ma ne chal kode, ma ne odok ir Jehova gi chunye duto kendo gi tekone duto ka oluwo chik Musa duto. Bende, onge ruoth ma nolocho bang’e ma ne chal kode.”—2 Ruodhi 23:19-25.
To mano kaka Josia noketo ranyisi maber ne joma ne okalo e ngima matek ka ne gitindo! Ranyisineno nyalo puonjowa ang’o? Ang’o ma nokonyo Josia mondo otim yiero maber kendo omakre gi yierono?
JANUAR 9-15
MWANDU MA YUDORE E WACH NYASAYE | 2 RUODHI 24-25
“Dhi Nyime Chiwo Siem gi Kinda”
w01-SW 2/15 12 ¶2
Odiechieng Jehova mar Ng’ado Bura Chiegni!
2 Weche ma Zefania nokoro nomedo jiwo Josia mondo okaw okang’ mar tieko lamo mar mirambo e piny Juda. Kata kamano, okang’ ma ruoth nokawo mar tieko lamo mar miriambo ne ok ogolo gik maricho duto, to bende ne ok otieko richo mag Ruoth Manase kwargi ma “nochwero remb jo ma onge ketho mi nopong’o Jerusalem gi remb jogo.” (2 Ruodhi 24:3, 4; 2 Weche mag Ndalo 34:3) Omiyo odiechieng Jehova mar ng’ado bura ne nyaka bi.
w07-SW 3/15 11 ¶10
Puonj Mayudore e Bug Jeremia
Higa mar 607 K.K.P. ne en higa mar 11 mar loch Zedekia. Ruodh Babulon miluongo ni Nebukadnezzar osedino ne Jerusalem kuom dweche 18. E odiechieng’ mar abiriyo dwe mar abich, e higa mar 19 mar loch Nebukadnezar ruodh Babulon, Nebuzaradan jatend jorit ma ne tiyo ne ruodh Babulon ne obiro Jerusalem. (2 Ruodhi 25:8) Nyalo bedo ni ka ne Nebuzaradan ne ni kama ogoye kambi machiegni gi ohinga mag dalano, ne onyalo neno gik ma ne timore e dalano to mano nomiyo ochano kaka nodhi monjogi. Bang’ ndalo adek e odiechieng’ mar apar, nodonjo Jerusalem. Nowang’o dalano.—Jeremia 52:12, 13.
Puonj Manie Wach Nyasaye
w05-SW 8/1 12 ¶1
Puonj Mayudore e Bug Ruodhi mar Ariyo
24:3, 4. Nikech Manase nochuero remb joma onge ketho, ‘Jehova notamore weyo’ ne Jo-Juda richono. Nyasaye ok mor sama ichuero remb joma onge ketho. Wan gadier ni Jehova biro chulo kuor nikech joma osechuer rembgi kuom tieko joma chuero remb jowetegi.—Zaburi 37:9-11; 145:20.
JANUAR 16-22
MWANDU MA YUDORE E WACH NYASAYE | 1 WECHE MAG NDALO 1-3
“Muma Oting’o Weche Madier”
w09-SW 9/1 14 ¶1
Be Adam gi Hawa ne Gin Joma ne Nitie Adier?
Ne ane kaka ochan anyuola mar Jo-Yahudi e bug Weche mag Ndalo Mokwongo sula 1 nyaka 9 kod Injili mar Luka sula mar 3. Bugego wuoyo matut e wi anyuola mag tienge 48 kod 75. Luka wuoyo e wi anyuola mar Yesu Kristo, to Weche mag Ndalo wuoyo e wi anyuola mag ruodhi kod jodolo mag Jo-Israel. Bugego duto oting’o nyinge mag joma nong’ere ahinya kaka Solomon, Daudi, Jakobo, Isaka, Ibrahim, Noa, kae to gikone Adam. Nyinge miwuoye e bugego duto gin nyinge joma ne nitie gadier, kendo Adam e ma ichako gi nyinge ma nyiso ni ne en ng’at ma ne nitie adier.
w08-SW 6/1 3 ¶4
Noa ne Nitie Adier Kendo Ataro Bende Notimore Gadier
Buge ariyo e Muma ma wuoyo e wi anyuola mag ji nyiso ni Noa ne nitie adier. (1 Weche mag Ndalo 1:4; Luka 3:36) Ezra gi Luka ma ne ochano anyuolago notimo nonro matut. Luka notimo nonro e wi anyuola mar Yesu Kristo mochopo kuom Noa.
w09-SW 9/1 14-15
Be Adam gi Hawa ne Gin Joma ne Nitie Adier?
Kuom ranyisi, ne ane puonj moro manie Muma ma thoth joma dhiga e kanisa ohero ahinya ma en rawar. Puonjno wacho ni Yesu Kristo nochiwo ngimane makare chuth kaka rawar mondo ores ji e richo. (Mathayo 20:28; Johana 3:16) Mana kaka wang’eyo, rawar en gima ichiwo mondo ochulgo gima olal kata ma omaki kendo gima ichulono nyaka nengone romre gi nengo gima nolalno kata ma nomakno. Mano e momiyo Muma wacho ni Yesu ‘nochulo nengo mar waro ji duto.’ (1 Timotheo 2:6) Nengo ma Yesu nochulo ne romre gi nengo mar ang’o? Muma wacho niya: “Mana kaka kuom Adam dhano duto tho, e kaka bende kuom Kristo dhano duto biro bedo mangima.” (1 Jo-Korintho 15:22) Ngima makare ma Yesu nochiwo mondo owar dhano ma winjo Nyasaye ne romre gi ngima makare ma Adam nolalo e puodho mar Eden ka notimo richo. (Jo-Rumi 5:12) Ka dine bed ni Adam ne onge, kare misango ma Kristo nochiwono dine obedo kayiem nono.
Puonj Manie Wach Nyasaye
it-1-E 911 ¶3-4
Anyuola
Nyinge Mon. Ne iketoga nyinge mon moko e list ma ne oting’o anyuola mag ji ka ne nitie gimomiyo. Chakruok 11:29, 30 wuoyo e wi Sarai (Sara) nikech en e ma Kodhi ma nosingi ne dhi kadho kuome to ok chi Ibrahim moro amora machielo. Nyalo bedo ni ne oluong nying Milka bende e bug Chakruok nikech ne en da Rebeka ma ne en chi Isaka, mondo onyis ni anyuola mar Rebeka ne gin wede Ibrahim nikech Isaka ne ok onego okend nyako ma ne wuok e ogendini mamoko. (Cha 22:20-23; 24:2-4) Chakruok 25:1 oting’o nying Ketura ma Ibrahim nokendo bang’e. Mano nyiso ni Ibrahim nokendo dhako machielo bang’ ka Sara nosetho kendo ni pod ne en gi teko mar nyuol bang’ ka Jehova noseduokone tekono e yor hono higni 40 ma nosekalo. (Rum 4:19; Cha 24:67; 25:20) Bende, onyiso wat ma nitie e kind Jo-Midia kod dhoudi mamoko mag Israel modak e pinje mag Arabia.
Muma bende okwano nyinge Lea, Rahel, kod mon mamoko ma Jakobo nonyuologo nyithindo, kaachiel gi nyinge yawuotgi. (Cha 35:21-26) Mae konyowa ng’eyo gik ma Nyasaye notimo higni moko bang’e gi yawuoyigi. Mano be e momiyo nitie nyinge mon moko bende e list mar anyuola mar ji. Ne iketo nyingegi ka po ni mwandu mag anyuola ne dhi kalo kuomgi. (Kwa 26:33) Kata kamano, nying Tamar, Rahab, kod Ruth ne oket nikech wach moro mopogore ahinya. Moro ka moro nobedo e anyuola mar Yesu Kristo e yo makende ahinya. (Cha 38; Rut 1:3-5; 4:13-15; Mat 1:1-5) Kuonde moko e Muma ma nyinge mon yudore e list mar anyuola gin 1 Weche mag Ndalo 2:35, 48, 49; 3:1-3, 5.
JANUAR 23-29
MWANDU MA YUDORE E WACH NYASAYE | 1 WECHE MAG NDALO 4-6
“Lamo Maga Nyiso Ang’o Kuoma?”
w10-SW 10/1 23 ¶3-7
“Jawinj Lamo”
Jabez en en ng’at mohero lemo. Nochako lemo kokwayo Nyasaye mondo oguedhe. Bang’ mano, nokwayo gik moko adek ma ne nyiso kaka ne en gi yie motegno.
Mokwongo, Jabez nokwayo Nyasaye kama: ‘Med yaro pinya.’ (Kwan matindo 10) Mano ok nyis ni Jabez ne en ng’at ma laro lowo ma ne dwaro kawo lop jomoko. Nenore ni nokwayo mondo joge e ma omedre to ok mana lowo. Nyalo bedo ni nokwayo mondo pinygi omed yarore e kinde mag kuwe mondo joma lamo Nyasaye madier omedre.
Mar ariyo, Jabez nokwayo Nyasaye ni mondo lwet Nyasaye orite. Lwet Nyasaye inyalo tigo e yor ranyisi kiwuoyo kuom teko motiyogo e konyo joma lame. (1 Weche mag Ndalo 29:12) Jabez nogeno kuom Nyasaye mondo omiye gik ma nokwayo nikech lwet Nyasaye ok chiek ma dimone konyo joma nyiso yie kuome.—Isaya 59:1.
Mar adek, Jabez nolamo kama: ‘Rita mondo kik gima rach hinya.’ Ka ne okwayo ni mondo orite kik gima rach hinye, nenore ni ne ok okwa mondo Nyasaye okonye oring masira, to ne okwayo mondo Nyasaye orite mondo kik gik marichogo hinye mokalo tong’.
Gik ma Jabez nokwayogo nonyiso kaka nohero lamo madier, kendo ni ne en gi yie motegno kuom Nyasaye ma winjo lamo. Be Jehova notimone kaka nokwayo? Weche ma Muma wacho e wi Jabez rumo ka wacho niya: “Kamano, Nyasaye notimone kaka nokwaye.”
Puonj Manie Wach Nyasaye
w05-SW 10/1 9 ¶7
Puonj Mayudore e Bug Weche mag Ndalo Mokwongo
5:10, 18-22. E kinde loch Ruoth Saulo, dhoudi ma ne odak yo wuok chieng’ mar Jordan ne oloyo Jo-Hagri e lweny kata obedo ni Jo-Hagrigo ne ng’eny moloyogi nyadiriyo. Mano en nikech chwo ma roteke ma ne wuok e dhoudigo ne ogeno Jehova mondo okonygi. Wan bende wagenuru Jehova gi chunywa duto nikech en ema onyalo konyowa e lweny ma wakedo mar chuny.—Jo-Efeso 6:10-17.
JANUAR 30–FEBRUAR 5
MWANDU MA YUDORE E WACH NYASAYE | 1 WECHE MAG NDALO 7-9
“Jehova Nyalo Konyi Mitim Migawo ma Nenore ni Tek”
w05-SW 10/1 9 ¶8
Puonj Mayudore e Bug Weche mag Ndalo Mokwongo
9:26, 27. Jo-Lawi ma ne rito rangeye ne timo tich mogen ahinya. Gin ema ne gin gi ofungu mar dhood ka maler e hekalu. Ne ginyiso ni gin joma igeno nikech ne giyawo dhoodno pile ka pile. Wan bende wan gi migawo mar lando ne ji wach maber e alworawa kendo konyogi mondo gibi gilam Jehova. Donge wan bende onego wabed joma igeno mana kaka Jo-Lawi ma ne rito rangeye mag hekalu?
Be Inyalo Bedo Kaka Finehas Sama In e Bwo Chal Matek?
Finehas ne nigi ting’ maduong’ ahinya e Israel machon; kata kamano, kokalo kuom chir, rieko, kod geno Nyasaye, ne oloyo chal matek ma noromogo. Kendo Jehova nogwedho kinda ma Finehas nonyiso mar rito kanyakla mar Nyasaye. Higini madirom 1,000 bang’e, Nyasaye notelo ne Ezra e ndiko niya: “Finehas wuod Eleazar e ma nobedo jatelo kuomgi e ndalo machon, mi Jehova nobedo kode.” (1 Weche 9:20) Mad Jehova bed bende kod jogo duto ma nigi migawo mag tayo e kind jo Nyasaye ndalogi, ee, koda Jokristo duto matiyone kochung’ motegno.
Puonj Manie Wach Nyasaye
Weruru ne Jehova!
6 Ee, kokalo kuom jonabi mage, Jehova nochiko mondo joma lame opake gi wer. Jower ma ne wuok e anyuola mar jodolo ne ogony kuom tiyo tije moko ma ne dwarore ni otim gi Jo-Lawi, mondo omi gibed gi thuolo moromo mar loso wende, kendo nyalo bedo ni mano noriwo koda ikruok ne werogi.—1 Weche 9:33.
FEBRUAR 6-12
MWANDU MA YUDORE E WACH NYASAYE | 1 WECHE MA NDALO 10-12
“Teg Gombo ma In-go mar Timo Dwach Nyasaye”
‘Puonja Timo Gima Idwaro’
12 Ranyisi machielo maber ma Daudi noketonwa, en kaka notiyo gi puonj mayudore e Chik, kendo gombo ma ne en-go ne en mar dak kaluwore gi puonjgo. Par ane gima ne otimore kane Daudi nigi riyo kogombo ‘modho pi soko mar Bethlehem.’ Chwo adek kuom jolweny mane en-go nomwomo modonjo e dala mar Bethlem kama jolweny mag Jo-Filistia nogoyoe kambi, ma gikelone pi sokono. Kata kamano, “Daudi nodagi modhogo, to noologo oko ni Jehova.” Nikech ang’o? Daudi nolero kama: “Chutho to ok anyal yie timo kamano! Nade, damadh remb jogi ma noyie wito ngimagi? nimar ne gikelo pigno ka giyie wito ngimagi.”—1 Weche 11:15-19.
13 Daudi nong’eyo kaluwore gi Chik, ni remo ne onego ool oko ne Jehova to ok onego ocham. Kendo nong’eyo gimomiyo nonego otim kamano. Daudi nong’eyo ni “ngima mar ringruok ni e remo.” Kata kamano, mano ne en mana pi to ok remo. Ang’o momiyo Daudi notamore modho pigno? Nong’eyo kendo nokawo mapek puonj mane yudore e chikno. Kaluwore gi Daudi, nokawo ni pigno neng’one ne tek mana ka nengo mar remb chwo adekgo. Omiyo, ok nowinjore ngang’ mondo omodh pigno. Kar modhe, nong’ado e chunye mondo oole piny.—Lawi 17:11; Rapar 12:23, 24.
Yie Mondo Chike Nyasaye kod Puonjge Otieg Chunyi
5 Mondo chike Nyasaye okonywa maber, somogi kata ng’eyogi kende ok oromo. Nyaka waher chikego kendo waluwgi. Wach Nyasaye wacho niya: “Beduru kuchayo gi marach, to uher gi maber.” (Amos 5:15) To ere kaka wanyalo timo mano? Gima duong’ en ni wapuonjre neno gik moko kaka Jehova nenogi. Wanyalo lero wachno ka watiyo gi ranyisini: Par ane ni nindo ok osebedo ka teri gotieno kaka dwarore. Ka idhi ir laktar, onyisi ni ilok chiemo ma ichamo, iriega dendi matin, kendo itim lokruoge moko e ngimani. Ka itemo tiyo gi parogo, ichako neno lokruok! Onge kiawa ni ibiro hero laktarno nikech okonyi ma ngimani obedo maber.
6 E yo ma kamano, Jachuechwa omiyowa chike ma geng’onwa moko kuom hinyruok ma wanyalo yudo nikech richo, kendo gimiyo ngimawa bedo maber. Donge wayudo ber mathoth sama waluwo chike Nyasaye ma kwero wacho miriambo, hinyo jomoko, kuo, terruok, timbe gero, kod juok! (Som Ngeche 6:16-19; Fwe. 21:8) Sama waneno kaka luwo chike Jehova konyowa, wachako here kaachiel gi chikenego.
Puonj Manie Wach Nyasaye
it-1-E 1058 ¶5-6
Chuny
Tiyo ne Jehova gi “Chuny Achiel.” Chunywa ma sie nyaka bed achiel mondo oti maber, kata kamano, chuny mar ranyisi to nyalo pogore. Daudi nolamo kama: “Miya chuny achiel mondo aluor nyingi.” Wechego nyiso ni chuny ng’ato nyalo pogore ka luwore gi gik ma ng’ato ohero kata ma chando chunye. (Za 86:11) Ng’at ma kamano ok nyal tiyo ne Nyasaye gi chunye duto, kata onyalo bedo ng’at ma bagni. (Za 119:113; Fwe 3:16) Ng’ato bende nyalo bedo gi “chuny ariyo,” kotemo tiyo ne ruodhi ariyo, kata onyalo wacho wach moro to otimo gima opogore. (1We 12:33; Za 12:2, weche moler piny) Yesu ne okwedo joma ne nigi chuny ma kamano.—Mat 15:7, 8.
Ng’at ma dwaro moro Nyasaye ok onego otine gi chuny ma nus-nus kata bedo gi kiawa, kar mano, onego oti ne Nyasaye gi chunye duto. (1We 28:9) Timo mano dwaro kinda nikech chuny otimo wuond mang’eny kendo ohero mana gik maricho. (Jer 17:9, 10; Cha 8:21) Gik ma nyalo konyowa mondo wati ne Nyasaye gi chunywa duto gin: lamo kowuok e chunywa (Za 119:145; Ywa 3:41), puonjruok Wach Nyasaye ma ok wabare (Ezr 7:10; Nge 15:28), lando wach maber gi kinda (pim gi Jer 20:9), kendo bedo machiegni gi joma tiyo ne Jehova gi chunygi duto.—Pim gi 2Ru 10:15, 16.
FEBRUAR 13-19
MWANDU MA YUDORE E WACH NYASAYE | 1 CHRONICLES 13-16
“Luwo Chik Miyo Weche Dhinwa Maber”
w03-SW 5/1 10-11
Be Ipenjoga Niya, “Jehova ni Kanye?”
12 Bang’ ka ne oseduok sandug singruok Israel ma obedo Kiriath-jearim kuom higni mang’eny, Ruoth Daudi nogombo dwoke Jerusalem. Daudi nowuoyo gi jotelo mag Israel ma onyisogi ni ne idhi dar Sandug Singruok mana ka ne giyie ni en ‘gima ber kendo long’o ne Jehova.’ Kata kamano ne oweyo ma ok omanyo paro ma Jehova ne nigo e wachno. Ka dine otimo kamano, Sandukuno dine ok oting’ e gari. Jo-Lawi ma Jo-Kohath e ma dine oting’e e gokgi mana kaka chik Nyasaye ne wacho. Kata obedo ni kinde mang’eny Daudi ne penjoga Jehova wach, e kindegi ne ok otimo kamano kaka ne dwarore. Mano nokelo masira. Bang’e Daudi noyie gi kethone kowacho niya: ‘Jehova Nyasaye ne obedo gi mirima mager kodwa nikech ne ok waluwo kaka nochiko.’—1 Weche mag Ndalo 13:1-3; 15:11-13; Kwan 4:4-6, 15; 7:1-9.
w03-SW 5/1 11 ¶13
Be Ipenjoga Niya, “Jehova ni Kanye?”
13 Gikone ka ne Jo-Lawi ogolo Sandug Singruok e od Obed-edom ma gitero Jerusalem, ji ne owero wer ma Daudi noloso. Ei wendno, ne opar ne ji niya: “Manyuru Jehova kod tekone. Manyuru wang’e kinde duto. Paruru tijene miwuoro mosetimo, kendo paruru honni kod buche moseng’ado.”—1 Weche mag Ndalo 16:11, 12.
Puonj Manie Wach Nyasaye
Lam Jehova, Ruoth Mochwere
14 Daudi nokelo ark mar muma nyaka Jerusalem. Mago ne gin kinde mag mor, kendo Jo-Lawi nowero wend pak ma noting’o weche mondik e 1 Weche mag Ndalo 16:31 (New World Translation) mawacho ni: “Landuru e kind ogendini ni, ‘Jehova osebedo ruoth.’” Wanyalo penjore niya, ‘Ka Jehova e Ruoth mochwere, to kare Jehova nobedo Ruoth e yo mane e kindeno?’ Jehova bedoga Ruoth sama otiyo gi lochne kata sama oketo ng’ato oti e loye kuom kinde moketo. Ng’eyo kaka Jehova nyisoga ni en e Ruoth puonjowa gimoro maduong’. Kane Daudi pok otho, Jehova nosingone ni lochne ne dhi siko nyaka chieng’. Nowachone Daudi niya: “Anating’ kothi malo mar miye duong’ bang’i, mana mano ma nowuogi a e iyi, mi anagur pinyruodhe.” (2 Sam. 7:12, 13) Singono nochopo kare kane ‘kodhino,’ matiende ni wuod Daudi onyuol bang’ higini mokalo 1,000. Kodhino ne en ng’a, to ne odhi bedo Ruoth karang’o?
FEBRUAR 20-26
MWANDU MA YUDORE E WACH NYASAYE | 1 WECHE MAG NDALO 17-19
“Sik Kimor Kata ka Nitie Gik ma Nyoso Chunyi”
w06-SW 7/15 19 ¶1
Ket Pachi Kuom Ber mar Riwruok mar Oganda Jehova
Daudi en achiel kuom joma iwuoye ahinya e Ndiko mag dho Hibrania. Ne en jakwath, jathum, janabi, kendo ruoth ma ne ogeno Jehova Nyasaye gi chunye duto. Hera ma Daudi noherogo Jehova ahinya nomiyo obedo gi gombo mar gerone ot. Odno, kata hekaluno ne dhi bedo kar lamo madier e piny Israel. Daudi nong’eyo ni chenro ma ne idhi tim motudore gi hekaluno ne dhi kelo mor kod gueth ne jo Nyasaye. Omiyo Daudi nower kama: “Ng’at mamor en ng’at miyiero kendo mikelo machiegni mondo odag e laru mari. Gik mabeyo mowuok e odi biro romowa chuth, ee, gik mowuok e hekalu mari maler.”—Zaburi 65:4.
Bed Mamor gi Gik Mitimo ne Jehova
11 Wan bende wanyalo medo morwa ka watimo duto ma wanyalo e migawo moro amora ma Jehova omiyowa. Kuom mano, bed “modich ahinya” e tij yalo wach maber, kendo itim duto minyalo e kanyakla. (Tich 18:5; Hib. 10:24, 25) Ikri maber ne chokruoge mondo ichiw paro ma nyalo jiwo jomamoko e kanyakla. Ka po ni omiyi migawo e chokruok, time gi chunyi duto. To ka po ni omiyo tich moro ni tim e kanyakla, tem matek mondo irit sa kendo ibed ng’at minyalo gen. Kik icha tich kata migawo moro amora ma omiyi e kanyakla. Tem matek mondo imed lony ma in-go e wi tich kata migawo moro. (Nge. 22:29) Kaka imedo timo kinda e tich kata migawo moro momiyi, e kaka ibiro medo timo dongruok, kendo mor ma in-go biro medore. (Gal. 6:4) Mano bende biro miyo ibed mamor sama jomamoko oyudo migawo misebedo kigombo ahinya.—Rumi 12:15; Gal. 5:26.
Puonj Manie Wach Nyasaye
w20.02 12, sanduku
Wahero Jehova Wuonwa Ahinya
Be Jehova Ong’eya?
Be isegapenjori penjoni: ‘Kuom ji tara gi tara ma ni e piny, ang’o ma dimi Jehova ong’eya kata opara?’ Ka en kamano, to ng’e ni nitie jomamoko ma be osepenjore penjo ma dwa chalo gi mano. Ruoth Daudi nopenjo kama: “Yaye Jehova, dhano en ang’o ma dipare? Adier, dhano adhanani en ang’o ma dimi idewe?” (Zab. 144:3) Daudi ne ni gadier ni Jehova nong’eye maber. (1 We. 17:16-18) Sani, kokalo kuom Wachne kod riwruok mar ogandane, onyisowa ni ong’eyowa kendo oneno hera ma waherego. Ne ane weche moko ma ni e Wach Nyasaye ma miyo wabedo gadier gi mano:
• Jehova nong’eyi kata ka pok nonyuoli.—Zab. 139:16.
• Jehova ong’eyo gik ma ni e chunyi kod weche miparo.—1 We. 28:9.
• Jehova owuon winjo lamo magi duto.—Zab. 65:2.
• Timbeni nyalo moro Jehova kata chwanye.—Nge. 27:11.
• Jehova owuon e ma oseywayi ire.—Joh. 6:44.
• Kata ka po ni itho, Jehova pod ong’eyi maber kendo obiro chieri. Obiro chueyi kendo, modwokni pachi kod kiti mana kaka yande in ka pok nitho.—Joh. 11:21-26, 39-44; Tich 24:15.
FEBRUAR 27–MACH 5
MWANDU MA YUDORE E WACH NYASAYE | 1 WECHE MAG NDALO 20-22
“Kony Rowere Mondo Weche Odhinegi Maber”
‘Ket Wechego e Lwet Joma Inyalo Gen’
8 Som 1 Weche mag Ndalo 22:5. Samoro Daudi ne nyalo paro ni Solomon ne ok owinjore ota tich maduong’ kamano. Mano en nikech hekaluno nonego obed ‘malich mokadho awacha,’ to Solomon ne pod en ‘rawera mayot.’ To e ma Daudi ne ni gadier ni Jehova ne dhi konyo Solomon mondo oti tijno. Omiyo, Daudi noketo pache kuom gima nonyalo timo to mano e momiyo noiko gik mathoth ma ne idhi tigo.
‘Ket Wechego e Lwet Joma Inyalo Gen’
7 Daudi ne ok owinjo malit ni Solomon e ma ne dhi yudo pak kuom gero hekalu, kar mano notimo duto ma nonyalo mondo okonye. Bang’e, hekaluno noluong ni hekalu mar Solomon to ok mar Daudi. Kata obedo ni Daudi samoro nowinjo marach ni ne ok onyal timo kaka nogombo, noriwo tijno lwedo gi chunye duto. Nochano jotich kendo nochoko nyinyo, mula, fedha, dhahabu, kod yiend mierezi mang’eny ahinya. E wi mano, nojiwo Solomon kowachone niya: “Koro wuoda, Jehova obed kodi; mondo imew, kendo iger od Jehova Nyasachi kaka osewacho kuomi.”—1 We. 22:11, 14-16.
Jonyuol, Be Ukonyo Nyithindu Otim Dongruok Mondo Obatisgi?
14 Jodong-kanyakla bende nyalo konyo jonyuol kuom wuoyo maber e wi chenro mag tiyo ne Nyasaye. Nyaminwa moro ma osebedo painia kuom higni 70 paro kaka mbaka ma ne ogoyo gi Owadwa Charles T. Russell ka ne en jahigni auchiel nomulo chunye. Owacho niya: “Nowuoyo koda e wi chenro ma ne an-go mar tiyo ne Nyasaye kuom dakika 15 kende.” Adier, weche mabeyo nyalo jiwo ng’ato. (Nge. 25:11) Jodong-kanyakla nyalo miyo jonyuol gi nyithindgi tije mopogore opogore e Od Romo ka luwore gi nyalo kod hik nyithindogo.
15 Owete gi nyimine mamoko e kanyakla bende nyalo konyo nyithindo kuom dewogi. Mano nyiso ni nyaka wayaw wang’wa mondo wane dongruok moro amora ma gitimo. Be dibed ni rawera ogolo paro moro maber e chokruok, kata otimo migawo moro maber e chokruok mar kor juma? Be rawera moro osechung’ motegno e tem moro kata osetiyo gi thuolone maber molendo ka en e skul? Kik iwe ma ok ipwoye. Donge inyalo chano mondo iwuo gi rawera moro e yo ma nyiso ni idewe kapok ochak chokruok kata bang’ chokruok? Ka watimo kamano, wabiro konyo rowere mondo one ni gin bende ogen-gi e kanyakla.—Zab. 35:18.
Spiritual Gems
w05-SW 10/1 11 ¶6
Puonj Mayudore e Bug Weche mag Ndalo Mokwongo
21:13-15. Jehova nonyiso malaikano ni ochung masira nikech ne ok odwar ni joge ochandre ahinya. Kuom adier, “ng’wonone ogundho ahinya.”