NGIMAWA KAKA JOKRISTO
Gen Kuom Jehova Sama Jomoko Kwinyi
Jokwinyo nyalo hinyo dendwa achiel kachiel kata miyo wawinj malit e chunywa. Ginyalo miyo kata mana winjruokwa gi Nyasaye odog chien ka wabedo maluor sama gikwedo lamo marwa. Inyalo timo ang’o mondo joma ohero kwinyo ji kik hinyi?
Thoth Joneno mag Jehova osenyagore maber gi joma kwinyogi kuom geno Jehova. (Za 18:17) Kuom ranyisi, Esta nowacho gi chir gik maricho ma Haman nochano timo. (Est 7:1-6) Nonyiso ni nogeno Jehova kuom tueyo ka ne pok otimo kamano. (Est 4:14-16) Jehova noguedhe nikech okang’ ma nokawono kendo norite kaachiel gi ogandane.
Ka nitie ng’at moro ma kwinyiga, kwa Jehova e lamo mondo okonyi kendo wuo gi jonyuolni kaka ng’at machielo ma nyalo konyi maber. Bed gadier ni Jehova biro konyi kaka nokonyo Esta. Gin gik mage mamoko minyalo timo mondo inyagri gi joma kwinyi?
NEURU VIDIO MA WIYE WACHO NI NGIMANA KA NE AN RAWERA—ANG’O MA NYALO KONYA SAMA IKWINYA? KAE TO UDWOK PENJO MA LUWOGI:
Ranyisi mar Charlie gi Ferin nyalo puonjo rowere wach mane?
Weche ma Charlie gi Ferin owacho nyalo puonjo jonyuol wacho mane sama gikonyo nyithindgi mondo onyagre gi joma kwinyogi?