Kiko Lamo
Be ji duto manie dinde mopogore opogore lamo Nyasaye achiel?
Be Muma puonjo ni Nyasaye oyie gi dinde duto kata obedo ni gin gi puonj mopogore opogore?
Mat 7:13, 14; Joh 17:3; Ef 4:4-6
Ndiko motudore gi wachno:
Jos 24:15—Joshua nowacho ni nyaka wayier tiyo ne Jehova kata wayier tiyo ne nyiseche mamoko
1Ru 18:19-40—Jehova notiyo gi janabi Elija e nyiso ni joma lame gadier nyaka were gi lamo nyiseche mamoko kaka Baal
Jehova neno nade nyiseche mag ogendni kod joma lamogi?
Jehova neno nade joma wacho ni lame to koni gitimo timbe ma ok oyiego?
Isa 1:13-15; 1Ko 10:20-22; 2Ko 6:14, 15, 17
Ndiko motudore gi wachno:
Wuo 32:1-10—Jo-Israel nochuno Harun mondo olos sanamu mar nyaroya mondo giti kode e timo ‘sawo ne Jehova,’ to mano nomiyo Jehova obedo gi mirima mager ahinya
1Ru 12:26-30—Ruoth Jeroboam ne ok dwar ni ji odhi e hekalu man Jerusalem, omiyo noloso sanamu kae to owacho ni sanamuno ochung’ ne Jehova, to mano norwako ji e richo
Ere kaka Jehova nopuonjo Jo-Israel ni ok onego giriwre gi joma lamo nyiseche manono?
Ang’o ma Jehova notimo ka ne jotichne ochako lamo nyiseche manono?
Bur 10:6, 7; Za 106:35-40; Jer 44:2, 3
Ndiko motudore gi wachno:
1Ru 11:1-9—Mon ma wuok e pinje mamoko ma Ruoth Solomon nokendo, nomiyo ochako lamo nyiseche mamoko kendo mano nomiyo jomamoko bende ochako lamo nyisechego, to timno nowang’o i Jehova ahinya
Za 78:40, 41, 55-62—Asaf nolero kaka ng’anyo mar Jo-Israel kod lamo nyiseche manono nochwanyo Jehova kendo mano nomiyo oweyogi
Yesu ne neno nade puonj mag din ma ne ok luwre gi Wach Nyasaye?
Ndiko motudore gi wachno:
Mat 16:6, 12—Yesu nopimo puonj mag Jo-Farisai kod Jo-Sadukai gi thowi, nikech puonj mag miriambogo ne landore mapiyo kendo ne gichocho puonj makare manie Wach Nyasaye
Mat 23:5-7, 23-33—Yesu nokwedo matek timbe mag wuondruok kod puonj mag miriambo mag jondiko kod Jo-Farisai
Mar 7:5-9—Yesu nowacho e lela ni jondiko kod Jo-Farisai ne keto motelo puonj mag dhano kar keto motelo puonj ma yudore e Wach Nyasaye
Be Yesu ne dwaro ni jolupne opogre mondo gilos dinde mopogore opogore mag Jokristo?
Ndiko motudore gi wachno:
Joh 15:4, 5—Yesu notiyo gi ranyisi mar mzabibu konyisogo ni jolupne onego obed gi winjruok maber kode kendo e kindgi giwegi
Joh 17:1, 6, 11, 20-23—E otieno mogik ka Yesu pok otho, nolemo mondo jolupne duto madier obed gi winjruok achiel
Be kanyakla duto ma ne nitie e kinde Jokristo mokwongo ne nigi puonj machalre kendo ne gilamo Jehova e yo machalre?
Ndiko motudore gi wachno:
Tic 11:20-23, 25, 26—Kanyakla ma ne ni Antiokia kod ma ne ni Jerusalem ne tiyo kanyachiel, kendo ne gin gi winjruok maber
Rum 15:25, 26; 2Ko 8:1-7—Kanyakla mopogore opogore e kinde Jokristo mokwongo ne nyisoga jowetegi hera kuom konyogi e kinde chandruok, to mano nyiso ni ne gin gi winjruok maber e kindgi
Be Nyasaye oyie gi dinde duto ma wacho ni giyie kuom Yesu Kristo?
Ka ng’ato oweyo puonj mag Kristo kod joote, be Nyasaye pod nyalo yie gi lamo mar ng’atno?
Ndiko motudore gi wachno:
Mat 13:24-30, 36-43—Yesu notiyo gi ranyisi kowacho ni mana kaka ogolo dongo e puodho, e kaka Jokristo mag miriambo ne dhi donjo e kanyakla mar Jokristo madier ma gibed mang’eny
1Jo 2:18, 19—Jaote Johana ma koro noseti, nowacho ni jowasik Kristo mang’eny ne osedonjo e kanyakla e giko higni mag 100