Tich
En tudruok mane mantie e kind tich kod mor?
Moko kuom ber ma wanyalo yudo ka walony e timo tich moro gin mage?
Ndiko motudore gi wachno:
1Sa 16:16-23—Daudi nong’ere kaka jathum molony, to thum ma ne ogoyono ne hoyo ruodh Israel sama chunye ne chandore
2We 2:13, 14—Nikech Hiramabi ne en fundi molony, Ruoth Solomon notiyo kode e tije mag gedo
Jo Jehova dwaro ni ging’ere kaka jotich ma chalo nade?
Ndiko motudore gi wachno:
Cha 24:10-21—Rebeka notimo mathoth moloyo gik ma ne jatij Ibrahim onyise ni otim, to mano ne nyiso ni noikore konyo kendo ne en jakinda
Fil 2:19-23—Jaote Paulo ne omiyo Timotheo ma ne pod en rawera migawo maduong’ nikech Timotheo noikore tiyo matek kendo nobolore
Ang’o momiyo ok onego wabed josamuoyo?
Nge 13:4; 18:9; 21:25, 26; Ekl 10:18
Ndiko motudore gi wachno:
Nge 6:6-11—Ruoth Solomon notiyo gi ranyisi mar ochunglo mondo ochiwgo puonj e wi kaka onego wabed jokinda to ok josamuoyo
Ang’o momiyo onego wati matek mondo wayud gik ma wanyalo konyorego?
Ang’o momiyo onego wati matek mondo warit joutewa?
Ndiko motudore gi wachno:
Rut 1:16, 17; 2:2, 3, 6, 7, 17, 18—Ruth ma ne en chi liel ma pod tin, notiyo gi kinda ahinya mondo okony Naomi ma ne en min chwore
Mat 15:4-9—Yesu nokwedo joma ne wacho ni tiyo ne Nyasaye miyo ok ginyal rito jonyuolgi
Ang’o momiyo onego wapog ne jomamoko gik ma wayudo nikech tich matek ma watimo?
En paro mane mowinjore wabedgo e wi pesa ma wayudo sama watimo tich moro?
Wang’eyo nade ni Jehova dwaro ni watim tijewa e yo maber mondo wayud kaka wanyalo konyore?
Mat 6:25, 30-32; Luk 11:2, 3; 2Ko 9:10
Ndiko motudore gi wachno:
Cha 31:3-13—Laban ne timoga marach ne Jakobo ma nokendo nyige, kata kamano, Jehova noneno kinda mar Jakobo kendo noguedhe
Cha 39:1-6, 20-23—Jehova noguedho tije Josef ka ne en misumba e od Potifa kod ka ne en e jela
Ang’o momiyo ok onego waket tijewa obed mokwongo ne tije Nyasaye?
Ndiko motudore gi wachno:
Luk 12:15-21—Yesu notiyo gi ranyisi e lero ni en tim fuwo keto mwandu motelo ne weche mag chuny
1Ti 6:17-19—Jaote Paulo nosiemo Jokristo ma jomwandu ni kik gibed jong’ayi, kar mano gibed “jomwandu e timbe mabeyo”
Gin puonj mage ma nyalo konyowa sama wayiero tich?
Wuo 20:4; Tic 15:29; Ef 4:28; Fwe 21:8—Be tijno biro miyo atim gima Nyasaye ok dwar?
Wuo 21:22-24; Isa 2:4; 1Ko 6:9, 10; 2Ko 7:1—Be tijno riwo lwedo kata jiwo ji mondo gitim gima Nyasaye ok dwar ma nyalo miyo chunya ochanda?
Rum 13:1-7; Tit 3:1, 2—Be tijno biro dwaro ni aketh chike mag sirkal
2Ko 6:14-16; Fwe 18:2, 4—Be tijno biro miyo ariw lwedo dinde mag miriambo?
Tiyo ne Jehova
En tich mane maduong’ ma Jokristo onego otim?
Ang’o momiyo wagombo mondo watim duto ma wanyalo e tij Jehova?
Luk 13:24; Rum 12:11; 1Ko 15:58; Hib 6:10-12
Ne bende 1Ti 3:1
Ang’o momiyo ok onego wapar ni ji duto nyalo tiyo ne Jehova e okang’ maromre?
Ndiko motudore gi wachno:
Mat 25:14, 15—Ranyisi mar Yesu nyiso ni ok ogen ni jolupne duto oti tich e okang’ marom
Luk 21:2-4—Yesu nopwoyo chiwo matin ma chi liel moro modhier nogolo
Wayudoga kanye teko mar timo tich ma Jehova omiyowa?
2Ko 4:7; Ef 3:20, 21; Fil 4:13
Ndiko motudore gi wachno:
2Ti 4:17—Jaote Paulo nowacho ni noyudo teko ma nodwaro e kinde mowinjore
Ang’o momiyo tiyo ne Jehova gi kinda kelonwa mor?
Ne bende Mat 25:23