WACH MADUONG’ MA GASET WUOYOE | GIK MA NYISO NI NYASAYE OHERI
Nyasaye Nyalo Hoyi
“Nyasaye ma hoyo joma chunygi onyosore, nohoyowa.” —2 JO KORINTHO 7:6, New World Translation.
‘Wuod Nyasaye nohera, kendo nochiworena.’ —JO GALATIA 2:20
GIMOMIYO JOMOKO KETO KIAWA: Kata mana e seche ma jomamoko dwaro hoch gadier, jogo nenoga ni kwayo Nyasaye mondo okonygi loyo chandruogegi en ich lit. Miyo moro miluongo ni Raquel wacho kama: “Sama aneno kaka ji mang’eny nigi chandruoge modhuro moloyo ma an-go, mano miyo aweyo kwayo Nyasaye kony.”
GIMA WACH NYASAYE PUONJO: Kinde mang’eny Nyasaye osebedo ka konyo kendo hoyo ji. Ji duto manie piny onyuol e richo kendo mano e gima monogi timo kaka Nyasaye dwaro e wang’e kak. Kata kamano, Nyasaye “noherowa, kendo nooro Wuode ma miderma odok misango mar richowa.” (1 Johana 4:10) Kokalo kuom tho mar Yesu kaka misango, Nyasaye osetiyo gi misangono e weyonwa richowa, e miyo wabed gi chuny mokue ma ok ketnwa bura, kendo bedo gi geno mar yudo ngima mochwere e piny manyien ma onge chandruok.a Kata kamano, be misangono ne ochiw achiwa ne dhano duto koso Nyasaye ne ochiwe nikech noheri in iwuon?
Ne ane gima jaote Paulo nowacho e wi misangono. Paulo ne mor ahinya gi misango mar Yesu mondiko niya: ‘Angima kuom yie man kuom Wuod Nyasaye ma nohera, kendo nochiworena.’ (Jo Galatia 2:20) En adier ni Yesu notho ka Paulo ne pok obedo Jakristo. Kata kamano, Paulo noneno misangono kaka mich ma Nyasaye nomiye owuon.
Misango mar Yesu en mich makende ma Nyasaye miyi in iwuon bende. Michno nyiso ayanga kaka in ng’at ma Nyasaye ohero gadier. Michno nyalo miyi hoch “mochwere kod geno maber,” kendo onyalo ‘tegi e tim mabeyo duto, gi weche mabeyo duto.’—2 Jo Thessalonika 2:16, 17.
Kata kamano, Yesu nochiwo ngimane chiegni higni 2,000 mokalo. Ang’o ma nyiso e kindegi ni Nyasaye ywayi ire?
a Mondo iyud weche momedore e wi misango mar Yesu, ne sula mar 5 e bug Ang’o ma Muma Puonjo Kuom Adier? mogo gi Joneno mag Jehova.