Magazine Sem Chhuah Dân Tûrte

Vênnainsâng January 1

“Mite chuan thih hnua thilthleng chu an ngaihtuah ṭhîn a. Miin a thih hnuah, thlarau khawvêl aṭang pawh ni se, hriatna neiin thil a la tih theih i ring em? [Chhânna hun pe rawh.] Mitthite dinhmun chungchânga Pathian thusawi chu ka hmuhtîr ang che aw? [A ngaihven chuan, Thuhriltu 9:5 chhiar rawh.] He magazine hian he mi chungchâng chipchiar lehzualin a sawi a ni.” Phêk 8-naa bâwm chu kawhhmuh ang che.

Vênnainsâng February 1

“Tûn lai hian mi dangte zahna chu a tlahniam hle a. Kan fate chu mi dangte zah thiam tûrin engtin nge kan zirtîr ang? [Chhânna hun pe rawh.] Nu leh pate tâna kaihhruaina ṭha tak petu Bible châng ka hmuhtîr ang che aw? [Rem a tih chuan, Deuteronomy 6:6, 7 chhiar rawh.] He thuziak hian kan fate chu mi dangte zah thiam tûra kan zirtîr theih dân kaihhruaina ṭha min pêk belh a ni.” Phêk 30-a thuziak chu hmuhtîr rawh.