Estheri’n Hmasialna Nei Lovin Jehova leh A Mite Tân Thil A Ti

Jehova leh a mite vênhimnaah Estheri chu a huaisenin, hmasialna a nei lo

8:3-5, 9

• Estheri leh Mordekaia chu an him a. Mahse, Juda mi zawng zawng tihlum tûra Hamana thupêk chu ram pumah a darh tawh

• Estheri chuan kohna dawng lovin lal hmaah inlanin a nun a thâp leh. A mite tân ṭap chungin lal hnênah thupêk râpthlâk tak hi sût lêt tûrin a ngên

• Lal hminga chhuak tawh thupêk rêng rêng chu sût lêt theih a ni lo va. Chuvângin, lal chuan Estheri leh Mordekaia chu thupêk thar siam tûrin thuneihna a pe

Jehova chuan a mite chu hnehna ropui a pe

8:10-14, 17

• Judate chuan an hmelmate do lêt theihna an nei tih thupêk pahnihna chu puan a ni

• Sabengtung chak mi chunga chuangte chuan ram pumah an tlânpui a, Judate pawh indo tûrin an inbuatsaih

• Mi tam tak chuan Judate chunga Pathian duhsakna an hmuh avângin saphunte an rawn ni