Rawngbâwlnaa Thiamna Tihhmasâwn Dân—Zawhnate Thiam Taka Hmangin

A PAWIMAWH CHHAN: “Mihring ngaihtuahna hi li thûk tak ang” a nih chuan, zawhnate chu chuta tui thâl chhuahna bâlṭîn ang a ni ang. (Thuf. 20:5, C.L. Re-edited) Zawhnate chuan ngaithlatute chu kan sawihonaa tel tûrin a ṭanpui a. Ngun taka thlan zawhnate chuan thu ṭangkai tak min hriattîr ṭhîn. Isua chuan zawhnate chu thiam takin a hmang a. Engtin nge kan entawn theih ang?

A TIH DAN TUR:

• Ngaih dân phawrh chhuak thei zawhnate zâwt rawh. Isua chuan a zirtîrte ngaih dân hre tûrin zawhnate chu a indawtin a zâwt a. (Mt. 16:13-16; be-E 238 ¶3-5) Ngaih dân phawrh chhuak thei eng zawhnate nge i zawh theih?

• Chhânna dik hriattîr thei zawhnate zâwt rawh. Petera ngaihtuahna siam ṭha tûrin, Isua chuan thu tâwp dik siamtîr thei chhânna ni thei âwmte petu zawhnate a zâwt a. (Mt. 17:24-26) Tuemaw chu thu tâwp dik siam tûra ṭanpui tûrin chhânna dik hriattîr thei eng zawhnate nge i zawh theih?

• Ngaithlatu chu fak rawh. Lehkhaziaktuin ‘fing taka a chhân’ hnu chuan Isua’n fakna thu a sawi a. (Mk. 12:34) Chhânna petu tuemaw chu engtin nge i fak theih?

ISUA HNATHAWH ANG CHU THAWK RAWH—ZIRTIRIN TIH VIDEO HMASA ZAWK I CHHUAH HNUAH A HNUAIA ZAWHNATE HI CHHANG ANG CHE:

• A thu hrilh chu dik vek mah se, engvângin nge he entîrna hi zirtîrna ṭha a nih loh?

• Engvângin nge a thu hrilhfiah mai aia tam kan tih a ngaih?

VIDEO HNUHNUNG ZAWK I CHHUAH HNUAH A HNUAIA ZAWHNA HI CHHANG ANG CHE:

• Engtin nge unaupa chuan zawhna thiam taka a hman?

• A zirtîr dân hmêlhmang dang eng nge kan entawn theih?