Thilsiamna Aṭanga Tuilêt

Van leh leilung hi khawi atangin nge a lo awm? Ni, thla leh arsite leh leilunga thil tam tak hi engtinnge an lo awm? Bible-in Pathian siam an ni a tih hian a chhang dik a ni. Chuvangin kan lehkhabu hi thilsiamna chanchin Bible thawnthuin a intan a ni.

Pathian thilsiam hmasak ber kan hriatte chu, Amah ang deuh hlek thlarau mite chu an ni a. Vantirhkohte an ni. Mahse leilung chu keimahni ang mite tana siam a ni. Tichuan Pathianin mipa leh hmeichhia, Adama leh Evi chu a siam a, huan mawi takah a dah a. Mahse Pathian thu an awih lo va, nun reng theihna an hloh ta a ni.

A vaiin, Adama siam atanga Tuilet Ropui thlengin kum 1,656 a ni. Chumi chhung chuan mi tha lo tam tak an awm a. Vanah hmuh loh thlarau mi, Setana leh a vantirhkoh tha lote an awm a. Leilungah Kaina leh mi tha lo tam tak, mi pangngai lo taka thil titheite pawh telin an awm a. Mahse leilungah chuan mi thate pawh an awm-Abela, Enoka leh Nova te. Bung KHAT chhungah chung mite zawng zawng leh thil lo thlengte chanchin kan chhiar ang.