Abrahama—Pathian Ṭhian

TUILET hnua cheng tura mite kalna hmun pakhat chu Ur vuah a ni. A chhunga in thenkhat tha takte nen khawpui pawimawh a lo ni a. Mahse chuta mite chuan pathian dik lote an bia a. Chu chu Babela an tih thin dan chu a ni. Ur leh Babel-a mite chu Jehova rawng bawl zeltu Nova leh a fapa Sema ang an ni lo.

A tawp, tuilet hnu kum 350-ah, mi rinawm Nova a thi a. He milema i hmuh mipa hi chumi hnu kum hnih chiahah chuan a piang a. Pathian lakah mi danglam bik deuh a ni. A hming chu Abrahama a ni. Chu Ur khawpuiah chuan a chhungte nen an cheng a.

Nikhat chu Jehovan Abrahama hnenah: ‘Ur leh i laichinte kalsan la, ka hmuhtir tur che ramah kal rawh,’ a ti a. Abrahama chuan Pathian thu a awihin Ur nawmna zawng zawng a kalsan em? Aw, a kalsan. Abrahama chuan Pathian thu a awih fo vangin a ni Pathian thian vuah a nih ni.

Ur a kalsan lai chuan Abrahama chhungte thenkhat a hnenah an kal ve a. A pa Tera a kal a. A unaupa fapa Lota pawh. Tin Abrahama nupui Sari a kal bawk a. A hunah an vaiin Tera thihna hmun Haran chu an thleng a. Ur atanga hla takah an awm ta a.

Rei lote hnuah Abrahama leh a chhungte chuan Haran an kalsan a, Kanaan an tih ram chu an thleng ta a. Chutah chuan Jehovan: ‘I fate hnena ka pek tur ram chu hei hi a ni,’ a ti a. Abrahama chu Kanaan-ah a awm a, puan inahte a cheng a.

Pathianin Abrahama chu a tanpui tan ta a, tichuan beram malte leh ran dangte leh chhiahhlawh za tam tam tak a nei a. Mahse amah leh Sari chuan anmahni fapa pakhat mah an nei lo.

Abrahama chu kum 99 a nihin Jehovan: ‘Hnam tam taka mite pa i ni ang tih ka tiam e,’ a ti a. Tunah Abrahama leh Sari chu fa nei turin an upa lutuk tawh si a, chu chu engtinnge a lo nih theih ang?