Hrehawm Tawrhna A Tâwp Ngai Ang Em?

BIBLE SAWI DAN CHUAN

“Pathian [chuan] . . . an mit ata mittui zawng zawng a hru hul ang a; thih a awm leh tawh lo vang. Lusûn te, ṭah te, nat te pawh a awm tawh hek lo vang.” —Thu Puan 21:3, 4, C.L. Re-edited.

I ṬANGKAIPUI THEIH DAN

Kan buainate hi Pathian awmtîr a ni lo tih i hre thei.—Jakoba 1:13.

Hrehawm kan tawrh hian Pathianin min tawrhpui a ni tih hriatna aṭangin thlamuanna i nei thei.—Zakaria 2:8.

Hrehawm tawrhna zawng zawng a tâwp dâwn tih beiseina i nei thei.—Sâm 37:9-11.

BIBLE SAWI CHU KAN RING THEI EM?

Thei e, a lo berah pawh chhan pahnih avângin:

• Pathianin hrehawm tawrhna leh rorêl dik lohnate a hua. Bible hun laia a mite’n râwng taka tiduhdahna an tawrh laia Pathian Jehova’n a tawrhpui dân kha ngaihtuah teh. Bible chuan a mite ‘hnehchhiah leh tihmangana an awm’ avângin pawi a ti hle tih a târ lang.—Rorêltute 2:18, O.V. Reference.

  Pathian chuan mi dang tinatute chu a haw hle. Entîr nân Bible chuan “pawi khawih lo thisen chhuahna kutte” chu a tenzâwng tak a ni tih a sawi.—Thufingte 6:16, 17.

• Pathianin a mi mal angin min ngaihsak. Mi tinte chuan ‘an hri vei emaw, an lungngaihna emaw an hre’ mai ni lovin, Jehova pawhin a hriatpui a ni.—2 Chronicles 6:29, 30.

Jehova chuan a Lalram hmangin mi tinte hrehawm tawrhna chu a tireh thuai ang. (Matthaia 6:9, 10) Chu mi hun a lo thlen hma chuan, a lam hawi apiangte chu ngilnei takin a thlamuan ṭhîn a ni.—Tirhkohte 17:27; 2 Korinth 1:3, 4.