Bible Ṭanchhan Zawhnate Chhânna
He khawvêl awptu dik tak hi tu nge ni?
He khawvêl awptu hi Pathian a nih chuan hrehawm tawrhna nasa tak a awm ang em?
Mi tam tak chuan he khawvêl awptu hi Pathian dik niin an ring a. Chu chu dik ni se, lei hi hrehawm tawrhna hlîrin a khat dâwn em ni? (Deuteronomy 32:4, 5) Bible sawi dân chuan khawvêl hi mi sual tuemaw thununna hnuaiah a awm a ni.—1 Johana 5:19 chhiar rawh.
Engtin nge mi sual tuemaw chuan mihringte a thunun theih? Mihring chanchin inṭantirh khân vântirhkoh pakhat chu Pathian lakah a hel a, mihring nupa tuak hmasa berte pawh hel ve tûrin a thlêm a ni. (Genesis 3:1-6) Nupate chuan vântirhkoh hel Setana thuâwih chu thlangin, an rorêltu atân an siam ta a ni. Rorêltu dik tak chu Pathian Engkimtitheia chauh a ni a, mahse, ani chuan mite’n an hmangaih vânga a rorêlna an thlan chu a duh a ni. (Deuteronomy 6:6; 30:16, 19) Lungchhiatthlâk takin, mi tam zâwkte chuan mihring nupa tuak hmasa berte tih anga duh thlanna ṭha lo siamin bum an ni ta a ni.—Thu Puan 12:9 chhiar rawh.
Tuin nge mihringte harsatna sukiang ang?
Setana’n rorêlna suaksual tak a chhunzawm zêl chu Pathianin a phal ang em? Phal lo vang! Ani chuan Setana thil ṭha lo tih zawng zawngte sût lêt nân Isua a hmang ang.—1 Johana 3:8 chhiar rawh.
Pathian thiltihtheihna hmangin Isua chuan Setana a tiboral ang a. (Rom 16:20) Tichuan, Pathian chuan mihringte chungah rorêlin, atîra a thiltum angin hlimna leh remna nun a neihtîr leh ang.—Thu Puan 21:3-5 chhiar rawh. (w14-E 05/01)