Bible Ṭanchhan Zawhnate Chhanna
Sakhua zawng zawng hian Pathian a chawimawi em?
Chanchin thar i ngaihthlâk chuan, sakhaw hminga thil sual tih châng a awm tih i hre tawh mai thei a. Sakhua zawng zawng hi Pathian dik aṭanga chhuak a ni vek lo. (Matthaia 7:15) Dik tak chuan, mi tam zâwkte chu bumin an awm a ni.—1 Johana 5:19 chhiar rawh.
Nimahsela, Pathian chuan thil ṭha leh thil dik ngainatute chu a hria a. (Johana 4:23) Chûng mite chu a Thu, Bible aṭanga thutak zir tûrin a sâwm a ni.—1 Timothea 2:3-5 chhiar rawh.
Engtin eng sakhaw dik chu i hriat hran theih?
Pathian Jehova chuan sakhaw hrang hranga mite chu thutak zirtîrna leh inhmangaih tawn tûra zirtîrna hmangin a inpumkhattîr a. (Mika 4:2, 3) Chuvângin, sakhaw dik vuantute chu an inngaihsak tawnna aṭangin i hre hrang thei a ni.—Johana 13:35 chhiar rawh.
Pathian Jehova chuan mi tinrêngte chu biakna dik hmangin a inpumkhattîr a ni.—Sâm 133:1
Pathian betu dik takte chuan an rinna leh an nun dânah Bible an ṭanchhan a. (2 Timothea 3:16) Pathian hming an chawimawi bawk. (Sâm 83:18) Tin, Pathian Ram chu mihringte tâna beisei tûr awmchhun a nihzia mite hnênah an hrilh a ni. (Daniela 2:44) An ‘êng ên’ chhuahtîrin Isua an entawn a, an ṭhenawmte chungah thil ṭha an ti a ni. (Matthaia 5:16) Chuvângin, Kristian dikte chu Pathian Ram chanchin ṭha thehdarh tuma mite ina an tlawhna aṭangin an hriat hran theih a ni.—Matthaia 24:14; Tirhkohte 5:42; 20:20 chhiar rawh. (w14-E 08/01)