A KAWM THU | PATHIAN I HNAIH THEI
Hei Aia Nun Kawng Ṭha Zâwk A Awm Thei Lo
Pathian hnaih tûrin eng nge i tih theih? Pathian nêna inlaichînna ṭha nei tûra i tih theih a hnuaia târ lante hi kan ngaihtuah tawh a ni:
Pathian hming Jehova tih hriat leh lam.
Ṭawngṭaina leh a Thu, Bible zirna hmanga amah nêna inbiak pawh ṭhin.
Pathian Jehova lâwm zâwng tih rengna.
Pathian chu a hming lamna, a hnêna ṭawngṭaina, a Thu zirna, leh a lâwmzâwng tihnate hmangin hnaih ang che
Hêng tehnate aṭangin, Pathian hnaih thei tûra thiltih ngaite i ti niin i sawi thei ang em? Hmasâwn ngaihna lai nei niin i inhria em? Theih tâwp chhuaha ṭan lâk a ngai ngei ang; mahse, a rahchhuah chu ngaihtuah ang che.
United States-a awm Jennifer-i chuan: “Pathian nêna inlaichînna ṭha nei tûra ṭan lâkna eng pawh chu a manhla a ni. Chu inlaichînna chuan malsâwmna tam tak: Pathian rinchhan zâwkna te, a mizia hriatthiam lehzualna te, leh a pawimawh berah chuan hmangaih lehzualna te a thlen a. Hei aia nun kawng ṭha zâwk a awm thei lo!” tiin a sawi.
Pathian nêna inlaichînna ṭha neih i duh chuan, Jehova Thuhretute chuan ṭanpui che an châk hle ang. A thlâwna Bible zirpui tûr chein ruahmanna an siam thei a. Tualchhûng Kingdom Hall-a Bible zira inkhâwmnaa tel tûra sâwm i ni bawk a, chutah chuan Pathian nêna an inlaichînna ngaihlutute nêna inkawmna chu i nei thei ang.a Chutianga i tih chuan, fakna hla phuahtu angin nang pawhin: “Kei atân erawh zawng Pathian hnaih hi a ṭha a ni,” tiin i sawi thei ang.—Sâm 73:28. ▪ (w14-E 12/01)
a Bible zirpui dîl emaw, i awmna hnai vaia Kingdom Hall zawn chhuah emaw i duh chuan, khawngaihin he magazine rawn petu che hi bia la, a nih loh leh kan Web site, www.pr418.com/lus-ah lûtin, a phêk hnuaia awm MIN BE PAWP R’U tih hnuai chu en ang che.