A KAWM THU JEHOVA THUHRETUTE CHU TUTE NGE AN NIH?
Engvângin Nge Thu Kan Hril?
In tinah te, vântlâng hmunah te, leh mite kan hmuh theihna hmun apiangah nasa takin thu kan hril a, chûng rawngbâwlna tluka min tilangsârtu thil dang engmah a awm lo. Engvângin nge hei hi kan tih?
Jehova Thuhretute chuan Pathian chawimawi nân leh mite hnêna a hming hriattîr nân thu kan hril a. (Hebrai 13:15) “Chutichuan kal ula, hnam tina mi zirtîrahte siam ula, . . . thu ka pêk zawng zawng che u pawm tûrin zirtîr rawh u,” tia sawitu Isua thu chu zawm kan duh a ni.—Matthaia 28:19, 20.
Chu bâkah, kan ṭhenawmte kan hmangaih a. (Matthaia 22:39) Mi tam zâwkte chuan sakhaw vawn lai an neiin, kan thuchah ken an ngaihsak vek lo tih pawh kan hria a. Chuti chung chuan, Bible zirtîrnate chu nun chhanhimna a ni tih kan hria a ni. Chuvâng chuan kum zabi khatnaa Kristiante ang bawkin, Krista chanchin ṭha chu ‘zirtîr leh hrilh kan bâng lo.’—Tirhkohte 5:41, 42.
Sociologist Antonio Cova Maduro chuan “Jehova Thuhretute chu rim taka thawkin. . . , kâwlkil thlenga thu thianghlim a thlen theih nâna an inhman zawh ṭhak,” thu a ziak.—El Universal chanchinbu, Venezuela
Kan thu leh hla chhuah chhiartu a tam zâwkte chu Jehova Thuhretute an ni lo va. Kan Bible zirpui mi maktaduai tam takte pawh sakhaw dang vuan an ni bawk. Mahse, Jehova Thuhretute’n an tlawh ṭhîn chu an lâwm hle a ni.
Jehova Thuhretute chungchânga zawhna dangte pawh i neih ngei a rinawm a. A chhânna hmuh nân
Jehova Thuhretute zînga pakhat zâwt ang che.
Kan website, www.pr418.com tlawh rawh.
Mi tin tân man chawi ngai lo, kan inkhâwmnaahte rawn tel rawh. (wp15-E 09/01)