Bible-in Eng Nge A Sawi?

Sakhuana hi mihring siam a ni em?

ṬHENKHAT NGAIH DAN CHUAN sakhuana chu mihringte siam chawp mai a ni a; Pathianin mite’n amah an hnaih theih nân a hmang nia ngai an awm bawk. Nang, eng nge i ngaih ve dân?

BIBLE SAWI DAN CHUAN

“Kan Pathian leh Pa mithmuha sakhaw biak dân thianghlim leh sual tel lo” a awm a. (Jakoba 1:27) Sakhaw thianghlim, a nih loh leh sakhaw dik chu Pathian hnên aṭanga lo chhuak a ni.

BIBLE AṬANGA KAN ZIR BELH THEIHTE

• Pathian tilâwm tûr chuan sakhua chuan Bible thutak a ṭanchhan tûr a ni.—Johana 4:23, 24.

• Mihringte ngaih dân ṭanchhan sakhuate chuan sâwtna a nei lo.—Marka 7:7, 8.

Sakhaw vawn neih kher a ngai em?

ENGTIN NGE I SAWI ANG?

• A ngai

• Ngai lo

• Dinhmun azir a ni

BIBLE SAWI DAN CHUAN

“Hmangaih leh thil ṭha tiha inchawk tho tûrin inngaihtuah tawn ang u; . . . kan inkhâwmte bânsan lovin.” (Hebrai 10:24, 25) Pathian chuan amah betute chu pâwl khata an awm a duh a ni.

BIBLE AṬANGA KAN ZIR BELH THEIHTE

• A huhova Pathian betute chu rinnaah an inpumkhat tûr a ni.—1 Korinth 1:10, 11.

• Pathian pawm zâwng sakhaw vuantute chuan khawvêl pum huap inunauna an siam.—1 Petera 2:7. (wp16.04-E)