Pathian Ram Chungchâng Thutak
Isua chuan a hnungzuitute chu: “Kan Pa, vâna mi, i hming zahawm rawh se. I ram lo thleng rawh se. I duh zâwng vâna an tih angin leia mi’n ti rawh se,” tia ṭawngṭai tûrin a zirtîr a. (Matthaia 6:9, 10) A nih leh, Pathian Ram chu eng nge ni? Chu chuan eng nge a tih ang? Engvângin nge chumi dîla kan ṭawngṭai ang?
Isua chu Pathian Rama Lal a ni.
Luka 1:31-33: “A hmingah chuan Isua i sa tûr a ni. Ani chu mi lian a la ni ang a, Chungnungbera Fapa an ti ang; Lal Pathianin a hnênah a thlahtu Davida ṭhutphah chu a pe ang a; Jakoba thlahte chungah chatuanin a lal ang a, a ramin kin ni a nei lo vang.”
Lalram chu Isua thu hrilhnaa thupui ber a ni.
Matthaia 9:35: “Isuan an inkhâwmna inahte zirtîrin, ram chanchin ṭha chu hrilin, dam lohna tinrêng leh natna tinrêngte tidamin, khaw lian leh khaw tête zawng zawng a fang zêl a.”
Isua chuan a zirtîrte chu Lalram din a nih dâwn hun tûr an hriat theih nân chhinchhiahnate a pe a ni.
Matthaia 24:7: “Hnam hrang leh hnam hrang an indo vang a, ram hrang leh ram hrang an indo vang a; hmun hrang hrangah ṭâmte a tla ang a, lîrte a nghîng ang.”
Isua zirtîrte chuan khawvêl pumah Lalram chanchin an hril mêk a ni.
Matthaia 24:14: “He ram chanchin ṭha hi hnam zawng zawng hriattîrna tûrin khawvêl zawng zawngah hrilin a awm ang a; chumi zawhah chuan tâwpna chu a lo thleng ang.”