Thusawi Dân Tûr Entîrna

June Thla Inrinni Hmasa Bera Bible Zirna Neih Ṭanna Tûr

“Sakhua zawng zawngah hian mi rilru ṭha tak awm ṭeuh mah se, sakhua avânga inhuatna leh tharum thawhna chanchin hriat kan nei fo ṭhîn a. Chu chu Pathian thiltum a nih i ring em? [A chhânna nghâk rawh. In neituin a chhân lêt ṭhat a, tuina a neih chuan heti hian sawi zawm ang che.] Pathian ngaihtuahna târ langtu Bible châng ngaihven awm tak pakhat ka hmuhtîr thei che ang em? [In neituin rem a tih chuan Isaia 11:9 chhiar ang che.]” In neitu chu June 1 chhuak Vênnainsâng chu pe la, phêk 27-a thupuitê pahnihna chu sawipuiin, Bible châng pakhat tal chu sawipui ang che. Magazine chu sem chhuakin, tlawhkîr tûrin ruahmanna siam rawh.

Vênnainsâng June 1

“Hmun tam takah chuan politics-a sakhua a inrawlhna avângin buaina tam tak a chhuak a. He mi chungchângah hian eng nge tih theih awm nia i hriat? [A chhânna nghâk rawh.] Isua’n a hun laia mite’n politics-a inhnamhnawih tûra an tih laia a chhân lêt dân târ langtu Bible châng ka hmuhtîr ang che aw? [In neituin rem a tih chuan Johana 6:15 chhiar ang che.] He magazine hian Isua’n chutianga a chhân lêt chhan leh kan tân vêng chhûng kan ṭanpui theih dân ṭha ber a hrilhfiah a ni.”