Thusawi Dân Tûr Entîrnate

January Thla Inrinni Hmasa Bera Bible Zirna Neih Ṭanna Tûr

“Min Siamtuin hming a neih i ring em? [A chhânna nghâk rawh.] He mi chungchânga thu ngaihven awm tak ka hmuhtîr thei che ang em?” In neituin tuina a lantîr chuan, January ni 1 chhuak Vênnainsâng pe la, a hnûng kâwma thuziak chu hmuhtîrin, thupuitê hmasa ber hnuaia thute chu sawipui la, Bible châng pakhat tal chu chhiarpui rawh. Magazine chu sem chhuak la, a dawta zawhna sawiho tûra tlawhkîr tûrin ruahmanna siam ang che.

Vênnainsâng January 1

Mi tam tak chuan khawvêl tâwpna chungchâng an sawi nasa hle a. Khawvêl tâwpna hi hlauh tûr niin i hria em? [A chhânna nghâk rawh.] Bible-in he mi chungchâng a sawi hi ka hmuhtîr thei che ang em? [In neituin rem a tih chuan 1 Johana 2:17 chhiarsak rawh.] He magazine hian khawvêl tâwpna chungchânga zawhna tlânglâwn tak palite chu a chhâng a ni.”