Thusawi Dân Tûr Entîrna

April Thla Inrinni Hmasa Bera Bible Zirna Neih Ṭanna Tûr

“Mi tam tak chuan thlarau lam thilte hi kan hriat phâk bâk thil niin an ngai a. Chu ngaih dân chu i ṭâwmpui ve em? [A chhânna nghâk rawh.] Kan vêngte chu Bible chhiar tûrin kan fuih a. Mahse, mi tam tak chuan Bible hi hriatthiam harsa tak niin an ngai a ni. Bible hre tûra ṭanpuina dawn chu in duh ang em? [Chhânna hun pe rawh. In neituin tuina a neih chuan titina chhunzawm rawh.] Heta thu hi han en teh mah.” April 1 chhuak Vênnainsâng a hnung lam kâwm chu hmuhtîr la, zawhna hmasa ber hnuaia thu awmte chu sawipuiin, Bible châng târ lan pakhat tal chhiarpui ang che. Magazine chu pe la, a dawta zawhna sawipui tûra tlawh leh tûrin ruahmanna siam rawh.

Vênnainsâng April 1

“Mi tin mai hian buaina hmachhawn tûr an nei ṭheuh va. Hei hian mi ṭhenkhat chu nunin a tumte a ngaihtuahtîr a ni. Hlimna kan neih theih loh chhan ber chu eng nge nia i hriat? [A chhânna nghâk rawh.] Tûna kan tawh mêk buainate Pathianin a tihbo thuai dân tûr Bible-a thutiam ṭhenkhat ka hmuhtîr ang che aw? [In neituin tuina a lantîr chuan Thu Puan 21:4 chhiar rawh.] He magazine hian kan nakin hun tûr beiseinate leh tûn la laa nun awmze nei kan neih theih dân a sawi lang a ni.”