Albania rama Lalpa Zanriah inkhâwm sâwmna an sem lai
Thusawi Dân Tûr Entîrna
BIBLE ZIRTIRNA DIK TAK CHU ENG NGE NI?
Zawhna: Pathian min pêk thil ropui ber chu eng nge nia i ngaih?
Bible Châng: Joh. 3:16
Sem Dân: He lehkhabu (bh bung 5-na hmuhin) hian Pathianin kan tâna thi tûra khawvêla Isua a rawn tirh chhan leh chu thilpêk kan hlutzia kan lantîr theih dânte a sawi.
PATHIAN RAM CHU ENG NGE NI?
Zawhna: [Tract hma lam chu hmuh la.] He zawhna hi engtin nge i chhân ang? Pathian Ram chu kan thinlunga thil awm a ni i ti em? entîr nei ṭawngkam a ni i ti em? vân sawrkâr a ni i ti em?
Bible Châng: Dan. 2:44; Is. 9:6.
Sem Dân: He tract hian Pathian Ramin i tân awmzia a neih theih dân a hrilhfiah a ni.
HRIATRENGNA SAWMNA
Sem Dân: Hun pawimawh taka lo tel tûrin mite kan sâwm a. [Sâwmna chu pe rawh.] April 11-ah hian, khawvêl puma mi maktaduai tam takte chuan Isua thih hriatrengna an hmangin a thihna kan hlâwkpui theih dân Bible ṭanchhan thusawi an ngaithla dâwn a. He sâwmna hian tualchhûnga neih tûr inkhâwmna hun leh hmunte chu a târ lang a ni. I rawn tel ve theih ngei kan beisei.
I THUSAWI DAN TUR ZIAK RAWH
Thlawhhma rawngbâwlnaa i thusawi dân tûr ziak nân a chunga entîrnate hi hmang ang che.