Hlim Taka Hla Sain Jehova Chawimawi Rawh

Paula leh Sila chuan tân ina an awm laiin Jehova chawimawiin hla an sa a. (Tirh. 16:25) An hla sak chuan tuar chhuak tûrin a ṭanpui tih rinhleh rual a ni lo. Tûn laiah eng nge ni ve? Inkhâwmnaa kan sak hlate leh original song-te chuan min tichak thei a, fiahna hnuaia rinawm tlat tûrin min ṭanpui thei bawk a ni. A aia pawimawh zâwk chu, hlate chuan Jehova a chawimawi a ni. (Sâm 28:7) Kan hlate zînga a lo berah pawh hla ṭhenkhat by-heart tûra fuih kan ni a. By-heart i tum tawh em? Chhûngkuaa Pathian biakna chu kan hlate zir nân leh hla thute by-heart nân kan hmang thei a ni.

NAUPANGTE CHUAN HLA SAIN JEHOVA AN CHAWIMAWI, TIH VIDEO CHU EN LA, TICHUAN A HNUAIA ZAWHNATE HI CHHANG ANG CHE:

• 

  Kan Lalram hlate sakna chuan kan chungah eng nghawng ṭha nge a neih theih?

• 

  Engtin nge Audio/Video Department-te chu hlate record tûra an inbuatsaih?

• 

  Engtin nge naupangte leh an chhûngte chu record tûra an inbuatsaih?

• 

  Kan Lalram hlate zîngah engte nge i duh a, engvângin nge?