Invêng leh Ding Nghetin, Chak Zual Rawh U

1. Invêng leh ding nghetin chak r’u,

Chhel taka awm tum rengin;

Pasalṭha angin huaisen r’u,

Hnehna kan chang ngei dâwn si;

Krista thupêk fiah tak chu zâwmin,

Kan ding nghet a kaihhruaina hnuaiah.

2. Invêng leh ngaihvenin awm r’u,

Engkima thu âwih fovin;

Tûn laia bâwih rinawm pêk chhuah,

Krista hruaina ngaihsakin;

Berâm vêngtu leh thutak humtu,

Kohhran upate thu chu zâwm r’u.

3. Invêngin, inpumkhat rawh u,

Chanchin ṭha kan hril lai hian;

Hmêlmate’n min do mah sela,

A tâwp thlengin kan hril ang;

Ram tinah fakna au thâwm pui r’u,

Ngai r’u! Jehova nî a hnai ta!