I Thinlung Vêng Ṭha Rawh

1. Aw, i nunna thinlung vêng rawh,

Sual kawng chu hawisanin;

Thinlung a hre thei Pathianin,

Chhûng lama nihna chu;

Thinlung hian beidawn châng neiin,

Sual lam a hawi ṭan thei;

Chuvângin i rilru hmangin,

I thinlung kaihhruai rawh.

2. Pathian zawng tûrin i thinlung,

Buatsaih rawh ṭawngṭaiin;

Fakna leh lâwmthu thlen fo rawh,

I mamawh zawng zawng nên;

Jehova thil min zirtîrte,

A ni kan zawm tûr chu;

Chuvângin thinlung nghet neiin,

A lâwmna ni reng rawh.

3. Ngaihtuahna ṭha lote lakah,

I thinlung chu vêng rawh;

Pathian Thu-in châwm reng ang che,

A tihchak theih nân che;

Jehova’n a mi rinawmte

A hmangaih tih kan chiang;

Chuvângin thinlung tak zetin,

Chibai bûk kumkhua rawh.