Engvângin Nge Bible I Ngaihven Ang?

Bible hi khawvêla lehkhabu lâr ber a ni. Engvângin nge? Pakhatah chuan, hriat hran awlsam tak a ni a. A tak taka awm ngei mihringte chanchin leh anmahni inkâr leh Pathian nêna an inkâra an indâwr dân chanchin dik tak a chuang a ni. Hêng thu tluangtlam leh tlang taka ziak chanchinte hian thu ṭangkai tak tak min zirtîr a, chûng chu ṭawng tam taka lehchhuah theih niin, eng hunah leh khawi hmuna awmte tân pawh hriat thiam theih a ni. Tin, Bible thu bulte hian engtik lai pawhin kawngro a su bawk.

A pawimawh berah chuan, Bible chu Pathian chungchâng ziakna lehkhabu mai ni lovin, Pathian aṭanga chhuak lehkhabu niin a inchhâl bawk hi a ni. Chu chuan Pathian hming te, a mizia te, leh lei leh mihringte a siamna kawnga a thiltum inthlâk danglam thei lote chu a târ lang a. Bible chuan hun rei tak chhûng ṭhatna leh sual inbeihna: tâwpna hlimawm tak nei lei leh vâna lemchan chanchin rilru la tak pawh a sawi bawk a ni. Rilru inhawng taka Bible chhiarin, rinna leh beiseina lungphûm phûm ang che.

Bible-ah hian hmun dang khawi aṭang maha kan hmuh loh tûr chanchinte kan hmu thei a. Entîr nân, Bible chuan hêng chungchânga thudikte hi min hrilh a ni:

• Kan lo awm dân leh hrehawm kan tawrh chhan te

• Mihringte chhanchhuak tûra Pathian ruahmanna siam te

• Kan tâna Isua thiltih te

• Leilung leh mihringte nakin hun tûr te

A dawta phêkte chu chhiarin, engvângin nge Bible hi eng nge a nih i ngaihtuah loh vang? (w13-E 10/01)