KJOACHJONANGI 4
Jmé xi sʼian nga sindaya yaona jña chʼao kisʼian
JÓSʼIAIN TSA JILANI
Tikjaʼaitsjenlai jebi: Je Tim kao miyole pelota tjíosískákao, kʼoa toxijña ya bichókʼakaole je karrole chjotandaindʼiale kʼoa ñaki maxkoaa je cho̱tsínle.
Jósʼiain tsa jilani je Tim.
TINKJÍNLAI TOKUIN
JAN KOYA TJÍNNI XI KOA̱N SʼIAIN:
Tosa totókai.
Kjaʼaí xi tjanelai.
Kʼoatʼinlai je chjotandaindʼiali jmeni xi kanʼiai kʼoa nga kʼoéchjílai je cho̱tsín xi kabakjain.
Tsakui nichxin kui meli kʼoasʼiain je xi títjon kanikʼaxkiaa. Tonga ngisaa nda nga kʼoasí jme xi kanʼiai.
JAN KOYA ANNI NGA KʼOASÍNI JÑA TSÍN NDA KANʼIAI
Tongisa nda tsa kʼoasí.
Je Biblia itso: “Menajin nga nda koangínkoaijin yaonajin ngayije kjoa” (Hebreos 13:18).
Tsa tsín kʼoéʼmai jmeni xi kanʼiai, sichatʼali xi ngikʼa.
Je Biblia itso: “Je xi bʼéʼma jéele alikui nda kʼoéjna, tonga je xi bʼéjnatsen kʼoa síkʼéjna jéele sa̱kóle kjoamatokon” (Proverbios 28:13).
Xi ngisa chjíle kuinga tsjoa sʼe̱le je Jeobá.
Je Biblia itso: “Je Jeobá alikui tsjoake chjota xi jaonkjaín, tonga miyole mani je chjota xi kixi” (Proverbios 3:32).
Je Karina, xi 20 nóle, likui kʼoakitsole je pale nga multa koanle nga nʼio tífikao karrole, tonga tojo tsaʼyanile. Je Karina itso: “Jela jngo nó kʼoakoan nga tsabe pana je xo̱n xi tjítʼa nga multa koanna. ¡Tse kjoa tsakatejnajian!”.
Jmé xi bakóyaná jebi. Je Karina itso: “Ngisaa chʼao ma nga bʼeʼmaa jmeni xi nʼia. Tojo kjoanʼioni ʼyale”.
KOASENKAOLI NGA TSÍN TIKʼOASʼIANNI XI NGINDIA
Je Biblia itso: “Ngatsʼi nía tse tochʼao nʼia” (Santiago 3:2). Tojosʼin tiʼyaa, nga tiʼa kʼoabixónñá jmeni xi nʼia kui bakoá nga tjínná kjoanangitokon kʼoa nga jetjínná kjoafaʼaitsjen.
Je xi fisani koasenkaoli nga tsín tikʼoasʼianni xi ngindia. Jngo tsoti xi Vera ʼmi itso: “Nga sikjaʼaitsjen jñani chʼao sʼian, basenkaona nga tsín tikʼoasʼinña xi ngindia. Nga jngó jngó kʼa jñani chʼao sʼian, sikjaʼaitsjenjinña nga tsín tikʼoasʼinña xi ngindia. Tsa tikui kjoa kjoaʼatojinngáña, jeʼbe josʼian”. Jméni xi sʼiain tsa i̱ koai̱n.
Tsa kuila bicicletale pali sikinyali kʼoa si̱kitsuín. Jósʼiain.
Alikuijin joxínle, tsakui nichxin saʼnda tsín skoe̱.
Kʼoajinxínle jókamani.
Kʼoajinxínle jokamani, tonga kjaʼaíjin xi koanele.
Tsa jngola examen kʼoéndai kʼoa sʼiain reprobar nga tsín kichotʼayai. Jósʼiain.
Kʼoajinxían nga nʼio ñʼai tjín je examen.
Kʼoajinxían nga an kisʼena jée nga tsín kiskotʼaya.
Kʼoajinxían nga jtikena je maestro.
Kʼianga kui nʼio nikjaʼaitsjeen jmeni xi kinʼia ngasʼa, yaa mangóson tsa karro tinixákoaa kʼoa tsa ñaki tokui tichotsenlee je cho̱tsínle karro xi matsenya jñani jekabitjaa
Tikjaʼaitsjenlai nga jao koya choa̱ jebi, tsa jilani 1) pali kʼoa tsa jilani 2) maestroli. Jókuitso je pali kʼoa tsa maestroli nga kʼoasí nga ji kasʼeli jée. Jósʼin sikjaʼaitsjen xi tʼatsi tsa kʼoéʼmalai.
Kʼoa kuila tikjaʼaitsjain jñani chʼao kinʼiai je nó xi jaʼato:
Jméni xi chʼao kinʼiai, kʼoa jókinʼiai xijekoanni.
Totsakʼeʼmaña tsakai.
Kjaʼaí xi tsakanele.
Tokjoan tsakʼeña najmí.
Tsa tsakʼeʼmai jña chʼao kinʼiai, jókisʼe tokuin nga koanskanni.
¡Tsjoa koanna! Nga̱ tsín tsaʼyana.
Chʼao kisʼe tokoan. Tjínnejinnile kʼoakixian tsakai jmeni xi kisʼian.
Jótjínnele kinʼiai tsakai.
Jósʼin koasenkaoli nga tsín tikʼoasʼianni xi ngindia.
JÓSʼIN NIKJAʼAITSJAIN
Ánni nga ñʼai ma sakʼoaniná nga kʼoabixoán nga ñá sʼená jée jñani chʼao nʼia.
Jósʼin sikjaʼaitsjen chjota xi tʼatsi tsa kʼoéʼmai ngantsjai jñani chʼao nʼiai. Tonga jósʼin sikjaʼaitsjen tsa kʼoasí nga ji kasʼeli jée (Lucas 16:10).