Ánni nga kʼoasikji kjoachjaʼatokon tjínsíni kʼiáni tjóxin

Je Jeobá kjoatéxoma síchjénntsjai nga bándiaale naxinandále. Jñánile kjoatéxoma jebi. Je kjoaʼmiya xi títjon kui kʼoatsoná ánni nga koa̱n koa̱nkjainsíniná jme xi tso Jeobá. Kʼoa kjoaʼmiya xi majaoni, jan koya tsoyaná jmeni xi sʼiaan nga koa̱nkjainná jotso je Jeobá.

Josʼin nikjaʼaitsjeen kʼoa jmeni xi chjoejiaan yaa nroani josʼin síjcháná je xijcháná kʼoa jochon ya ʼnde jña tinijchá yaoná. Tonga jósʼin jchañá tsa sasénle Niná jmeni xi chjoejiaan. Jméni xi koasenkaoná nga si̱tjosoán jmeni xi jekachjoejiaan. Nga jao kjoaʼmiya jebi nʼio nda sichoyaná xi tʼatsʼe jebi.

Jin koya jchaa josʼin mamiyosaa je Niná kʼianga precursor sʼin nixá. Kʼiatsa jekʼoasʼin tinixái, jmé xi koasenkaoli nga tosi tonda precursor koai̱n ninga sakʼoa ñʼai koa̱nli. Kʼoa tsa meli nga precursor koai̱n kʼoa nga sʼe̱li je kjoanichikontʼain xi sʼele je xi kʼoasʼin tjíosíxá, jméni xi koa̱n sʼiain nga kuichotjenngi kjoanda jebi.