XI NGISA TÍNCHJA̱NI REBISTA JEBI: JMÉNI XI KISʼIN NINÁ XI TʼATSAAN

Kjoanikjaʼaitsjenya xi tsín koa̱n si̱chai

Nitje̱n nga kjesa nikʼienjin, je Jesús kʼoakitsole je chjotale nga katasíkjaʼaitsjenya je kjoabʼechjíntjaile. Kui kisichjén je nioxtila xi tsínle naʼyo̱san kʼoa kao bino jko xi tjíosonle yámixa̱ kʼianga tsakʼéjna je xi Kjoabichile Nainá sʼin ʼyale. Kʼoa i kitsole chjotale: “Kʼoatʼiaon kuibi jméni nga nda kʼoéjintakonsínináo” (Lucas 22:19).

Kʼianga xki̱ nó, jin xi testigole Jeobá maijin kʼoasʼin biyojtínjin nga nikjaʼaitsjenyaijin je kjoabiyale Jesús. Nó jebi kʼiaa kʼoakaole nga lune 14 sá abril nga jeska̱ntjai je Tsʼuí.

Menajin nga kʼuínkaonáijin nga si̱kjaʼaitsjenyaijin je kjoabiyale Cristo kʼoa yaa sa̱kóyasa jokji chjíle je kjoabʼechjíntjai xi kitsjoa Jesús. Likui machjí nga bitjasʼeen kʼoa alikui tao̱n sʼeña. Tsa meli jchai me orani kʼoa jñani sʼe̱jna kjoajtín jebi, chjónangilai je chjota xi kitsjoali rebista jebi kʼoa tsamaije̱ ya chótʼai ya Internet ya jw.org. Tʼetʼaxuin jme sáni sʼe̱jna ánni nga tsín cha̱jinsínili. Choyaníjin nga kʼuínkaonáijin.