Jósʼiaan nga tsín nʼio si̱kjáojiaan

Je Jeobá tsakʼéndajin josʼin jchaxkoán. Jósʼin bakoá nga ʼyachjiá jebi. Kʼoa jósʼin kʼoainganʼioá nga naskásʼin katasʼejna je ʼndenaxó xi tsín matsen xi tiyojiaan. Kui chótʼayá i̱ kjoaʼmiya jebi.

Kjoaʼmiya jebi kui bakóya jmeni xi jeme koa̱n kʼoa kui koasenkaoná nga si̱nʼiotʼaa je Jeobá nga kjoaʼaí kjoañʼai xi nʼio tse.

Nʼio nkjín chjota xi xkoa̱ya tjío xi totʼatsʼe nga bʼasjengʼa naxinandále, kostumbre xi tjínle kao josʼin tsen yaole. Tonga ñá tojekjoán je Chjotaxále Jeobá bʼainganʼiolee. Kjoaʼmiya jebi kui koakoyaná anni nga tsín ya nojinñá yaoná je kjoa xi tjín sonʼnde kʼoa nga kʼoasʼin ʼyatokoán xi ngikʼa josʼin bekon Jeobá kao Jesús.

Jngo tjíjtsa Sonʼnde, ñá xi testigole Jeobá maa, yaa mañaa ya Ndʼia jña chotʼayá. Kjoaʼmiya jebi kui koakoyaná josʼiaan nga ya tiyoaa ya Ndʼia jña chotʼayá, josʼin kʼoainganʼioá nga katasʼendasa ndʼia jebi kʼoa josʼin si̱kuindaa nga je Jeobá katabitjojeya.