Isʼin faʼaitʼa

Je chjotale Cristo ʼyale nga bakó kjoatsjoacha. I̱ kjoaʼmiya jebi, ñajan koya tsoya jósʼiaan nga koakoá je kjoatsjoacha xi ñaki kjoakixi (2 Cor. 6:6).

A tjín je xíngiaa xi tsín testigole Jeobá ma xi bʼéchjoaná nga nixálee je Jeobá. Tsa jaon, je kjoafaʼaitsjen xi tsjoáná kjoaʼmiya jebi koasenkaoná nga koa̱nná josʼin kʼoéndajiaan je kjoa xi kuitjátojiaan.

Nga jao kjoaʼmiya jebi kui tsoya tʼatsʼe je sén xi tsabe Zacarías, sén xi majaonni, xi mañatoni kao xi majinni. Je sén xi majaonni kao xi mañatoni, koasenkaoná nga chjí jchaa nga ya tinixálee Niná jinnaxinandá xi tsje. Je xi majinni, kuitsoyaná jósʼin síkuinda Jeobá je choʼndale nga koa̱n kʼoasʼin skoe̱xkón josʼin mele.