Isʼin faʼaitʼa

Jngo tjíjtsa Sonʼnde kui xi mele nga ndái koatio je chjota. Jósʼin tjínnele skoe̱kon kjoandái je chjotale Cristo. Nga jao kjoaʼmiya jebi kui kuitsoyaná jméni xi ñaki kjoandái ʼmile, jméni xi sʼiaan nga so̱koná kʼoa jósʼin koa̱n si̱chjén je kjoandái xi tjínná nga kuinyakoaa xi kjaʼaí. Kʼoati kuitsoyaná jósʼiaan nga jchaxkoán je Jeobá, je Niná xi tsʼe kjoandái.

Nga jao kjoaʼmiya jebi kui kuitsoyaná nga je Jeobá tsjoánganʼiole ngantsjai je choʼndale. Kʼoa je choʼndale kui choa̱le Jeobá tjíofitjenngi saʼnda nichxin kjoatse. Kʼoati jchaa ánni nga ngisa machjénni ndʼaibi nga si̱nʼioá kon xíngiaa.

Ndasʼin koatio je xi sʼa xti kʼiatsa je Jeobá sixále. Ánni nga ngisa ndatjínni nga ñaki to xále Niná sʼin kʼoa nga nʼio tsjoále kjoandosin nga kuitsoyason. I kjoaʼmiya jebi kuitsoyaná.