ʼNdíki̱cha̱sine xi tochoa chjíle

Jngo koya josʼin bʼainganʼioá tʼatsʼe xále Niná xi kjima jngo tjíjtsa Sonʼnde kuinga bʼejna jotjián ʼndíki̱cha̱sine. Tonga jósʼiaan tsa tsín tse tao̱n tjínná.

Ñandia je Jesús, jngo ʼndíchjoónkʼan tsabe xi jao ʼndíki̱cha̱sine xi tochoa chjíle tísíkʼatsaoya kaxa̱ xi tjío ya yo̱ngo̱. “Nda tsa yo̱ma̱” ʼndíchjoón jebi kitsjoa “ngayije xi tjínle” nga̱ nʼio tsjoake koan je Jeobá (Mar. 12:41-44). Kʼianga kʼoasʼin kuenta kisʼin Jesús je ʼndíchjoón jebi, kui bakóná nga nʼio tsabechjí Jeobá jotjín tao̱n kisikʼéjna. Ijngo choa̱ xi koa̱n koanngíntjenngiaa tsʼení chjotale Cristo xi títjon tsakatio. Ni kisʼele kʼoa ni tsín kisʼele tao̱n nʼio tsabechjí je kjoanda xi tsakʼaile nga koan kitsjoanganʼio xi kao tao̱n. Kʼoa je pastro Pablo kʼoakitso nga je chjotale Cristo xi tsakatio ya Macedonia nʼio kisijé nga kʼoati katabʼaile kjoanda nga tsjoánganʼio ninga nʼio ma tjío (2 Cor. 8:1-4).

Si̱kjaʼaitsjeen nga matsetʼanile xínkjín je tao̱n ninga tochoa chjíle ʼndíki̱cha̱sine xi si̱katioá. Kʼianga ñaki kao ni̱ma̱ná bʼainganʼioá nʼio tsjoa sʼele je Nʼainá xi tíjna ngʼajmi, “nga̱ [je] tsjoake je xi kao kjoatsjoa tsjoá” (2 Cor. 9:7).