Én xi sʼejintokoán

◼ Xo̱n xi kʼoabíson sá abril kao mayo: La Atalaya kao ¡Despertad! Kʼiatsa mandosinle chjota, tajnalai je xo̱n xi ʼmi A meli jchai jokjoan tjínni xi kjoakixi kʼoa tʼenelai yaoli nga tʼetsʼiakoai jngo estudio. Kʼianga kʼuínchonlai je chjota xi fi nga faʼaitsjenya kjoabiyale Cristo, kʼoa tsa jeje̱ xi sísin sakʼoa je kjoajtín xi satíosaná, tʼailai estudio kao je libro Jmé kjoanni xi bakóya je Biblia. Sá junio: je libro Jmé kjoanni xi bakóya je Biblia. Tʼenelai yaoli nga kjoan tʼetsʼiakoai estudio kʼianga kuichonrʼoe títjuin je chjota. Kʼiatsa jekijnale libro jebi tonga tsín mele skótʼaya, jngo rebista xi me chriansʼa kitjo tajnalai kʼoa tsamaije̱ jngo foyeto xi mandosinle.

◼ Je xomana xi fitsʼiani 16 sá abril kʼiaa sʼe̱tsʼiakaoni nga chótʼaya je foyeto A ʼyaní jme xi tínchjani je Biblia ya kjoajtín Nga chotʼaya Biblia. Je ndsʼee xi koandiaa kʼoexkia joʼmi je kjoaʼmiya kʼoa kao én xi tiya tjítʼani, sikʼaxki testole Biblia xi yʼangini, kʼoa kui sichjén je nó xi faʼaitʼa ngitsʼin foyeto nga kʼoakuitso kʼiani kʼoakoan. Jé xi kuitsoni jotjín párrafo koa̱nxkia kʼoa kui koaini jotjín kjoachjonangi tjínle je kjoaʼmiya. Kʼoati koakoya je rekuadro xi faʼaitʼa. Kʼoa xi tofetʼani, kʼoakuitso jósʼin basenkaoná.

◼ Jngo xomana tongini nga sʼe̱jnaná je kjoajtíntse xi jan nichxin, je xi chjotajchínga sʼin tjío koaan sikʼantjaiya choa jmeni xi kjoaʼa ya Kjoajtín xi tsoyaná josʼin si̱xálee Niná kʼoa kui ska̱nisʼenjin choa én xi kisʼejintokoán tʼatsʼe je kjoajtíntse. Jngo sá kʼoa tsa jao sá nga koa̱nskanni, kʼianga kui kjoaʼa “Xi machjénná i̱ jinjtín”, kui chótʼayajin ijngokʼá xi kʼuínyaná ya kjoajtíntse xi jan nichxin, xi koasenkaoná josʼin kʼuínyasoán.

◼ Kʼiatsa kʼoasʼin tjínndajinná nga tʼaxin naxinandá koanngián je kjoajtíntse xi jan nichxin koaan ya chótʼaa ya jw.org, jñani tíjna jngo pestaña xi “Busquedas” tso, kʼoa xijekoa̱n ya kuisennelee jñani “Asambleas de distrito” tso.