Si̱chjén je rebista xi jekjoan nkjín sá kitjo

Je rebista xi kjioná toxitsjoaní kʼiatsa tokuinyaxkoá kʼoa tsa tokʼoétsoaa, machjénní nga si̱kʼabísoan. Ninga tojngo rebista kʼoexkia je chjota tsakuini nichxin koa̱nndosinle jotjínni xi kixi kʼoa kui xosikao nga sikʼaxki̱ni je jaʼaínle Jeobá (Rom. 10:13, 14, Traducción del Nuevo Mundo). Je xi fisani tsjoá kʼaná kjoafaʼaitsjen josʼin koa̱n si̱káyoaa je rebista xi jekjoan nkjín sá kitjo.

• Kʼianga kʼuínyasoán ya territorio jñani tosakʼoa maxá koaan si̱káyoaa rebista ya jña tsín naile niʼya kʼoa ya si̱káyoaa ya jñani tsín ʼya chjota xi kjaʼaí skoe̱.

• Nga kʼuínyasoán ya jña nʼio tjín chjota jolani tsa ya jñani bitjo je karro kʼoa tsa ya jñani fayo metro, koaan chjónangilee je chjota xi ya tjíokoya tsa mele nga kʼoexkia je rebista kʼoa koako kʼalee nga je katakjoéjin je xi koa̱nndosinle.

• Koaan si̱káyoaa rebista tsa ya timangián jña tjín lavandería, jña makuinda chjotajchínga, tsa ya clínica kʼoa tsa xinsa ʼnde jñani tje̱n bʼakaole je jtín nga tsoyason. Tonga tsa ya tíjna je chjota xi kjinentsja ʼnde jebi koaan títjon kjoanla si̱jékjoalee. Tsa jekjio kʼa rebistaná ya ʼnde jebi, tosa likui tisi̱káyoñá.

• Kʼianga kuiyondaa nga koanngínchon ijngokʼalee chjota, si̱kjaʼaitsjeen jmeni xi mandosinle nga jngó jngó. Jolani tsa ʼndíxti tjínle, tsa tsjoake nga fikotsen jña xin ʼnde kʼoa tsakui mandosinle josʼin sʼentje naxó. Chótsenjinlee je rebista xi jekjoan nkjín sá kitjo tsa faʼaijin jngo kjoaʼmiya xi koa̱n chʼalee nga kjuinchón ijngokʼalee.

• Kʼianga ska̱jin ijngokʼá je chjota xi jekjoan nkjín sá tsín titíkajinñá ya ndʼiale koaan koakolee je rebista xi kje nikáyojinlee.