Én xi sʼejintokoán

◼ Xi kʼoabíson sá junio: Jmé kjoanni xi bakóya je Biblia kʼoa tsakuije̱ tratado jebi: A chan tjóxin je kjoañʼai xi tjín, A kjoaʼáyanile je kʼien kʼoa kao ʼYákjoánni xi kjinentsja je sonʼnde. Sá julio kao agosto: Énnda chjotse xi tʼatsʼe Niná tínroani kʼoa tsakuije̱ je foyeto Koaan ndasʼin kuiyo ya yaniʼyali, Tinóʼyalai je Niná kʼoa kao Tinóʼyalai je Niná kʼoa kuijnaní ngantsjai nichxin. Sá septiembre: Xo̱n xi Bájinkonná kʼoa tsakuije̱ tratado jebi: Jmé xi machjén nga nda kuiyoaa ya yaniʼyaná, Jméni xi Reino de Dios ʼmi kʼoa kao Jósʼin ʼyatokuin je Biblia.

◼ Ngayeje je tratado kʼoa kao xo̱n xi nikʼabísoán nga sʼe kjoajtíntse kao xo̱n xi nikʼabísoán nga sʼejna Kjoabichile Nainá tjínnele nga ya kʼoétʼaa informená ya jñani “Foyeto kao tratado” tso, jotjín si̱káyolee chjota kʼoa jotjín si̱káyoaa ya jñani tsín je naile niʼya. Je chjota xi mandosinle kʼoa xi kjoé je xo̱n xi Énle Niná faʼaitʼa, ni sí tojngo tratado, kʼoénelee yaoná nga kjuinchón ijngokʼalee.

◼ Nga xki̱ nó, je xi chjotajchínga sʼin tjío tjínnele kui koakoyale je jtín jme xi faʼaitʼa je karta xi tsʼe 6 sá enero nó 2012, xi kui nchja̱ni josʼin tongini kuiyondalee nga kjoaxkón sʼe kʼoa jmeni xi koa̱n sʼiaan.

◼ Nʼio skénndiaa nga precursor auxiliar sʼin si̱xá sá agosto nga̱ aon xoto kʼoa aon taingo tjínle.

◼ Kʼiatsa jao jan xíngiaa ñatjen fitsoyason ya jñani nʼio tjín chjota kʼoa tsakui sichjén xi ma xinyáya xo̱n, tsa jngo yámixa̱ kʼoa tsa jmesani xi sichjén, kuenta katasʼín jotjín xo̱n sikʼabí. Kʼoa kʼianga jekjoetʼale nga kuitsoyason, kʼia katafáoyani jotjín kʼoakaole kʼoetʼa ya informele nga jngó jngó.

◼ Kʼoasʼin sʼejintokon nga je kjoaʼmiya xi chótʼayá xi tsʼe Xo̱n xi Bájinkonná fitsʼiakjoanni nga 1 sá abril nó 2015, jetjío grabaciónle ya www.jw.org/mau nga én mazateco de Huautla. Alikui jao tjínnajin nga nʼio koasenkaono jebi nga ngisa koa̱ntajasa kjoamakjainno.