Tinʼiotʼai je Jeobá kʼoa kui kʼoatʼiain xi ndatjín

“Ali maxinkonchajin je xi chʼao sʼín”

37:1, 2

• Ali bʼaiʼndejin nga kui bʼéchjoali nga tinixálai Jeobá ninga ndatjío sʼin matsen je chjotatsʼen nga̱ tochoatsee nga nda koatio. Tosa kui kuenta tʼiain jmeni xi meli kuichotjenngi kʼoa je kjoanda xi títsjoáli je Niná.

“Tinʼiotʼai je Jeobá kʼoa kui kʼoatʼiain xi ndatjín”

37:3

• Tinʼiotʼai je Jeobá nga je koasenkaoli tsa sakʼoa jao sʼe tokuin kʼoa tsa sakʼoa ba sʼeli. Jé koasenkaoli nga tosi tonda kixi koai̱n.

• Tosi tonda tʼinyasuin je énnda chjotse xi tsʼe Chjotaxále Niná.

“Nʼio nda katasʼe tokuin xi tʼatsʼe Jeobá”

37:4

• Chʼa̱sjeʼai nichxin nga tʼexkiai je Énle Niná kʼoa tikjaʼaitsjenjin jmeni xi tso, ánni nga ngisa nda jchasíni je Jeobá.

“Je Jeobá tintsjai je ndiaali”

37:5, 6

• Ñaki kʼoatʼai tokuin nga je Jeobá koasenkaoli nga kuitjátojin tojme kjoa xi sʼe̱li.

• Nda tʼinkoai yaoli kʼianga ʼya xi énndiso báneli, nga ʼya xi batiochjoali kʼoa tsa fitjenngikeli.

“Jyó tijnai ngixko̱n Jeobá kʼoa kao kjoatsjoa chóyalai”

37:7-9

• Alikuijin kʼoanʼiai jmeni xi tsín tinda sikʼéjnanili ngixko̱n Jeobá kʼoa xi tsín titsjoa koayani tokuin.

“Je xi ndʼé tsʼee koa̱n i̱ sonʼnde”

37:10, 11

• Tʼenelai yaoli nga chjota tojbi katamai kʼoa nangitokon katamai nga tinʼiotʼai Jeobá nga je kʼoendajin tojme kjoa xi tsín kixi tíjna tibitjatojin.

• Tisenkoai je ndsʼee kʼoa tinʼiojin je xi kjoaba tjíojin nga chja̱kaoni je kjoanda xi kjoaʼaíkao Niná ya sonʼnde chjotse xi jemachrianle.