Kʼiatsa toje xtiʼndí kjoakaoná nga tiʼmiyasoán

Kʼiatsa toje xtiʼndí kjoakaoná nga tiʼmiyasoán, chjónangilee tsa tjío je xijchále. Tsa kʼoasʼiaan tibakolee kjoaxkóntokon je xi xijchá ma (Pr 6:20). Alikui koa̱n kuitjásʼeen ya ndʼia ninga je xtiʼndí xokuitsoná. Kʼiatsa tsín ale je xijchále koaan kjaʼaí nichxin kuitjáto ijngokʼalee.

Ninga je xti xi jekitsaoson nóle jtsaojiaan, chjónangilee tsa tjío je xijchále. Kʼoa tsa tsín ale je xijchále, chjónangilee tsa tsjoáʼndele nga jme xi bʼéxkia. Kʼoa tsa jaon kuitso, koaan kʼoai jngolee xo̱n xi Énle Niná faʼaitʼa kʼoa kʼoakʼuínlee nga katafaʼasʼen ya jw.org.

Kʼianga kjuinchón ijngokʼalee jngo ti xi kamandosinle, kʼoakʼuínlee tsa koa̱n chja̱kaonajmiá je xijchále. Ánsíni nga kʼuínyanilee jme xá kabichoñá kʼoa koakolee jotso je kjoafaʼaitsjen xi faʼaitʼa Biblia xi binyakao je familia (Sl 119:86, 138). Nga kuenta sʼiaan kʼoa nga jchaxkoán je xi xijchá ma nʼio ndasʼin kuichotsjoá kʼoa koaan kʼuínyalee ngatsʼi je familia je énnda chjotse tokʼiani nga jtsaojiaan (1Pe 2:12).