Kuinókjoañá je nó nga koa̱ntsen kjoandale Jeobá

Ali tsa ñaki jngo nójin tínchja̱ni “nó kʼianga koa̱ntsen kjoandale Jeobá”

61:1, 2

• Kui tínchja̱ni jokjitse nichxin tsjoáʼnde Jeobá nga kʼuínyale chjota xi ndʼé tjío ni̱ma̱le tʼatsʼe josʼin nga kuitjontjaile yaole.

• Nga siglo 1, je nó kʼianga koantsen kjoandale Jeobá kʼiaa kitsʼiani nga tsakʼétsʼiakao nga kitsoyason je Jesús, nga nó 29, kʼoa kʼiaa jetʼa kʼianga kicho je nichxin nga kisijnda je Jeobá, kʼianga kichonikjeson Jerusalén nga nó 70.

• Nichxin xi tiyoaa ndʼaibi, je nó kʼianga koantsen kjoandale Jeobá kʼiaa kitsʼiani nga tsakatéxoma je Jesús ya ngʼajmi nga nó 1914 kʼoa kʼiaa kjoetʼa nga sʼe̱jna kjoañʼai xi nʼio tse.

Je Jeobá tísíchikontʼain je naxinandále kao je yáyʼai xi tsʼe kjoatéxomakixi

61:3, 4

• Je yá xi nʼio ngʼa makjoan i̱ Sonʼnde me ñatjen mangʼa kʼoa jtín xinyá ya jinjñájchá kʼoa binyakaongañá xínkjín.

• Je ja̱ma̱le ñaki mʼójinle xínkjín kʼoa kui xi nʼio síkinya nga tsín jme xi male kʼianga ntjao̱nʼio faʼane.

• Je xi yángʼa kjoan bʼéngʼiánle yá xi sʼa kjimangʼa kʼoa nga tjon je xka̱le kui xi sítjé nangi.

Je chjotale Cristo xi ya koai ngʼajmi xi tjíosa i̱ Sonʼnde, xi yáyʼai xi tsʼe kjoatéxomakixi ʼmile, binyakao kʼoa síkuindaa je chjotale Cristo xi tjío jngo tjíjtsa Sonʼnde