“Jchaxkuín nʼaili kao na̱li”

Kʼianga tsakʼejna Jesús i̱ Sonʼnde kisikʼaxki kjoatéxoma jebi: “Jchaxkuín nʼaili kao na̱li” (Éx 20:12; Mt 15:4). Nga sʼa ʼndí kji je Jesús kisitjosonle je xijchále kuinga koan kʼoakitsoni én jebi (Lu 2:51). Kʼoa kʼianga jekoanjchínga tongini tsakʼéndajin nga katamakuinda je na̱le kʼianga jekuiyá je Jesús (Jn 19:26, 27).

Nichxin xi tiyoaa ndʼaibi, je chjotale Cristo xi sʼa xti kʼoati bakóle kjoaxkóntokon xijchále kʼianga bʼaʼénle kʼoa nga kao kjoaxkóntokon fákaoni. Je én xi tso nga jchaxkoán je xijcháná ali tsa tosakʼoajin machjén, machjénní ngantsjai. Ningalani jekoanjchínga xijcháná, machjénní nga kjuintjenngiaa kjoafaʼaitsjen xi tsjoáná, tsa kʼoasʼiaan kʼoasʼin koakoñá nga ʼyaxkoán (Pr 23:22). Ijngosa koya josʼin bakoñá nga ʼyaxkoán je xijcháná kʼianí nga binyakoaa xi tʼatsʼe tao̱n kʼoa tsa jme xi machjénsale (1Ti 5:8). Kʼianga kjitʼa chja̱kaonajmiá je xijcháná kʼoasʼin koakonilee nga ʼyaxkoán.

NGA JEKACHOTSENLAI JE PIZARRA ANIMADA JÓSʼIN CHJA̱KOAI XIJCHÁLI, CHÓTʼAYAJIN KJOACHJONANGI JEBI:

• Ánni nga ñʼai ma sakʼoanili nga chja̱koai je xijcháli.

• Jósʼin jchaxkuín je xijcháli kʼianga chja̱kaonajmí.

  

• Ánni nga nʼio chjísínile nga chja̱koai je xijcháli (Pr 15:22).