Jósʼiaan nga ndasa kʼuínyasoán: Nda si̱chjén je kjoachjonangi

ÁNNI NGA NʼIO CHJÍSÍNILE: Je kjoafaʼaitsjenle chjota yaa mangóson je nandá xi na̱nga̱ nya, je kjoachjonangi basenkaoná nga majinná josʼin síkjaʼaitsjen (Pr 20:5). Kʼia tsa nda si̱kjaʼaitsjeen je kjoachjonangi xi si̱katioá kui xosikao je chjota nga kʼoati kuinchja̱najmíni. Kʼianga nikatioá kjoachjonangi nʼio nkjín koya xi ʼyaa. Je Jesús nda kisichjén je kjoachjonangi. Jósʼin koa̱n chjénngilee.

JÓKOA̱N SʼIAAN:

• Chjónangilai jósʼin síkjaʼaitsjen. Je Jesús nkjín kjoachjonangi kisikatíole je chjotatjenngile kʼoa kui xi tsakasenkao nga tsabe josʼin síkjaʼaitsjen (Mt 16:13-16; be-S p. 238 párr. 3-5). Jñánile kjoachjonangi xi koa̱n koatiui.

• Kui tikatíui je kjoachjonangi xi koasenkao nga koa̱njinle je chjota. Kʼianga kisikixiyanda Jesús josʼin kisikjaʼaitsjen je Pedro, kjoachjonangi kisikatíole, kʼoati kitsjoale én ánni nga je katakjoejinni jñanile xi kixi tjín (Mt 17:24-26). Jñánile kjoachjonangi xi koa̱n si̱katíui xi koasenkao nga katamajinle chjota jñanile xi kixi tjín.

• Tʼailai kjoanda nga katsjoá je énle. Je Jesús kitsjoale kjoanda jngo chjota skribano kʼianga “kinchja kao kjoachjine” (Mr 12:34). Jmé xi koa̱n kʼuínlai jngo chjota xi kʼoakatsoli jme xi kachjonangilai.

CHÓTSENLAI JE VIDEO XI TÍTJON XI TSʼE KʼOASʼIAAN XÁ XI KISʼIN CRISTO: KOAKOYAA, KʼOA CHÓTʼAYAJIN KJOACHJONANGI JEBI:

• Ningalani ñaki kʼoatjín jmeni xi títso je xi títsoyale je chjota, ánni nga tsín nda tjínni josʼin bakóya.

• Ánni nga tsín tsa tokui kuenta sʼianñá jmeni xi tiʼmiyaa.

CHÓTSENLAI JE VIDEO XI MAJAONI KʼOA CHÓTʼAYAJIN KJOACHJONANGI JEBI:

• Ánni nga kʼoabixónsíñá nga nda kasíchjén kjoachjonangi je ndsʼee.

• Jósasʼin koa̱n chjénngilee josʼin kabakóya.