Je Jesús jngo chjota síndaya nga xoto

3:1-5

Ánni nga ba kisʼenile Jesús tʼatsʼe jokoankjoan je chjotatítjonle relijión. Kuinga tse xi tsakʼéchjoa xi tsín koa̱n kʼoasʼin je chjota nga xoto ninga tsín kʼoatso kjoatéxoma, kʼoa nʼio ñʼai koanle je chjota nga kisitjoson jebi. Tobʼelañá, kʼoakitso nga tsín koa̱n si̱kʼien xíʼyá nga xoto. Kʼoa likui koan kisisinle yaole tsa ʼya xi tsʼatjijin ndso̱ko̱ kʼoa tsa ntsja kʼoa xi nindale kitjotʼáo, tokʼiakjoán nga koan kisisinle yaole tsa jenʼio táo. Kʼoasʼin ʼyañá nga je chjota ngʼajko̱le relijión jebi alikui koanndosinle je chjota xi tokjiyá ntsja.