Jon xi sʼa xtio tʼenelao yaono nga kui kʼoasʼiaon xá xi ndatjín

Kʼianga kiskile Pablo je Tito kʼoakitsole nga katabʼénele yaole je kʼoa kao xi ngikʼa xi kʼoati sʼa xti nga kui kʼoakatasʼín “ngayije xá xi nda tjín” (Tit 2:6, 7). Xi tikuini capítulo, je Pablo kʼoakitso nga koa̱ntsje je naxinandále Niná ánni nga kao kjoatsjoa kʼoasʼinsíni je “xá xi nda tjín” (Tit 2:14). Jngo koya je xá xi ndatjín xi nʼia kuinga ʼmiyalee je chjota tʼatsʼe Chjotaxále Niná. Jon xi sʼa xtio, a koaan kʼoasʼin si̱chjaon je nganʼiono tsa precursor auxiliar kʼoa tsa regular koaon (Pr 20:29).

Kʼiatsa meli nga precursor koai̱n nda tʼendajin jmeni xi sʼiain (Lu 14:28-30). Tobʼelañá, jósʼin kuijnyíʼai yaoli kʼianga je precursor sʼin si̱xái. Jósʼin kʼoéndajin nga kuichotjenngi je horali. Tʼeyanajmílai je Jeobá jmeni xi meli sʼiain (Sl 37:5). Kʼoatʼinlai je xijcháli jmeni xi tibʼendajin kʼoa kao je ndsʼee xi precursor ma xi jetjínle kjoafaʼaitsjen. Xijekoa̱n, kʼoatʼiain jmeni xi machjén nga kuichotjenngi jmeni xi tibʼendajin. Je Jeobá sichikontʼainli tsa kʼoénelai yaoli nga ngisasa tse si̱xálai.

KʼIANGA JECHÓTSENLAI JE VIDEO JE XTI XI BʼASJENGʼA JE JEOBÁ, CHÓTʼAYAJIN KJOACHJONANGI JEBI:

• Jméni xi ñʼai koanle je ndsʼee nga precursor sʼin kisixá, tonga jméni xi kisʼin.

• Jméni xi koa̱n sʼin je xi xijchá ma nga kuinyakao je xtile nga precursor regular katama.

• Ánni nga ndatjínni nga kʼoéndajiaan josʼin nga kʼuínyasoán.

• Jméni xi koa̱n sʼin je ndsʼee xi tjío ya jinjtín nga tsjoánganʼiole kʼoa nga kuinyakao je xi precursor sʼin tjíosíxá.

• Jmé kjoanichikontʼain sokóle je xi precursor ma.