Chja̱ʼaxion je nináno

Je Jacob koanjinle nga toje Jeobá tjínnele kʼoetsʼoale, ninga tsín jngo kjoatéxoma xi kʼoatso nga tsín koa̱n kjaʼaí niná kʼoetsʼoale kʼianga tsakʼejna (Éx 20:3-5). Je Jeobá kʼoakitsole Jacob nga katafini ya Betel. Kʼianga kicho, kʼoakitsole je familiale kao ngatsʼi xi ya tjíokao nga katafaʼáxin je xkóson xi tjíole. Je Jacob tsakinyáñe je xkóson kʼoa kao tsiño, tsakui nichxin kʼoasʼin koankjainle nga tsiño jebi suerte kitsjoale kʼoa nga kisikuinda (Gé 35:1-4). Je Jeobá kisasenle jmeni xi kisʼin je Jacob.

Nichxin xi tiyoaa ndʼaibi, jméni xi koa̱n sʼiaan nga toje Jeobá kʼoétsʼoalee. Tjínnele nga tsín kjaʼaí xi kʼoétsʼoalai kʼoa nga tsínkui kʼoasʼiain jmeni xi kjoabʼenda tjenkao. Machjén nga chjaʼaxian ngayeje jmeni xi tʼatsʼe kjoabʼenda tínroani, kʼoati tjínnele si̱kjaʼaitsjenjiaan jméni xi bʼetsaojinkoaa. Tobʼelañá, koaan chjónangilee yaoná jebi, a kui bʼexkia axo kui kotsenle je película xi tʼatsʼe vampiro, zombis kʼoa tsakui xi tʼatsʼe na̱i xi ndajin tínchja̱ni. A kui bʼetsaojinkoa jmeni xi kʼoasʼin matsen nga tsín chʼaotjín, tonga xi kui tjenkao je magia kʼoa kao kjoataon. Tjínnele nga kjin kuiyolee ngayeje jmeni xi jtike je Jeobá (Sl 97:10).

KʼIANGA JECHÓTSENLAI JE VIDEO “TIYOTAJALAO JE NA̱I”, CHÓTʼAYAJIN KJOACHJONANGI JEBI:

• 

  Jmé kjoa xi jaʼatojin jngo chjoón xi sʼa tíkotʼaya Biblia xi Palesa ʼmi.

• 

  Ánni nga ndatjínni nga kʼoakʼuínlee je xi chjotajchínga sʼin tjío tsa jme kjoa tibitjatojiaan xi totʼatsʼe na̱i xi ndajin.

• 

  Tsa mená nga je Jeobá koasenkaoná, jméni xi tjínnele nga chja̱ʼaxian.

• Jméni xi kisʼin je Palesa.

• Jñani tsi, jméni xi koa̱n sʼiain nga tsín jokatasíkaoli je na̱i xi ndajin.