Je kjoajtíntse xi jan nichxin satío basenkaoná nga bakoá kjoatsjoacha

Ánni tsjoachañá nga mangían je kjoajtíntse xi jan nichxin satíoná. Tojo koan ya naxinandá Israel, kuinga ñatjen chʼasjengʼaa Jeobá kao je ndsʼee xi bichó kjoajtín jebi. Kʼoa xi ijngosani, kʼoati ya tsaojiaan je xíngiaa kao miyoná. Nʼio chjí ʼyatokoán kjoajtíntse jebi kʼoa bʼenelee yaoná nga mangían je xi jan nichxin.

Nga biyojtián koaan si̱kjaʼaitsjenjiaan jósʼin koa̱n kuisenkoaa je xi ngikʼa kʼoa nga tsín to yaoná kjuinñá (Gál 6:10; Heb 10:24, 25). Kʼoati sʼin bakoñá nga mandosinná xíngiaa kʼianga tokuikjoan nikatíotʼaxián je yáxile jñani biyoaa kʼoa tsa kʼiaje̱ nga chjoʼaílee xo̱ntjoa je ndsʼee (Flp 2:3, 4). Kʼianga satíoná kjoajtíntse kʼoati koa̱n si̱miyoaa je ndsʼee. Koaan chja̱kaonajmiá je xi kje ʼyaxkonjián kʼianga kjesa fitsʼiajin je kjoajtíntse, kʼianga jefetʼa kʼoa tsa kʼiaje̱ nga bichaa (2Co 6:13). Tsa kʼoasʼiaan sʼe̱ná miyo ngantsjai. Kʼianga skoe̱ná je chjota nga ñaki tsjoacha kjoaixiaa je xíngiaa tsakui nichxin kʼoati koa̱nmele sixále je Jeobá (Jn 13:35).

KʼIANGA JECHÓTSENLAI JE VIDEO KJOAJTÍNTSE JÑANI NKJÍN NAXINANDÁ FAʼAINI XI BICHÓ “JE KJOATJAOCHA NIKʼIAJIN FETʼA”, CHÓTʼAYAJIN KJOACHJONANGI JEBI:

• 

  Jmé xi kisʼin je ndsʼee nga tsakakó kjoatsjoacha kʼianga kisʼejna kjoajtíntse jñani nkjín naxinandá jaʼaini xi kicho nga nó 2019.

• 

  Ánni tokʼoamaniná nga jtín tjío kʼoa nga tsjoake xínkjín je naxinandále Niná.

• 

  Jmé xi kitso je Cuerpo Gobernante xi tʼatsʼe kjoatsjoacha.

• 

  Jósʼin tsakakó kjoatsjoacha je ndsʼee xi Alemania tsʼe kao xi Corea del Sur tsʼe.

• Jméni xi tiyondaa nga sʼiaan.