Jmé xi koa̱n sʼin tichjaa nga ngisasa tse sixále je Jeobá

Nʼio nda tsjoánganʼio je tichjaa nga tíʼmiyason je Énle Niná (Sl 68:11). Jotjín chjota ʼmiyale Biblia nkjín xi je tichjaa tsoyale, kʼoa nkjín tichjaa xi precursora regular sʼin tjíosíxá. Jmi mani tichjaa xi ya Betel síxá, xi misionera ma, xi ya síxá kʼoa xi ya tsjoánganʼio nga sʼenda ndʼia jña ʼyaxkón Niná, kʼoa tjínkʼa xi kui síkʼatoya xo̱n xi Énle Niná yʼangini. Kʼoa je tichjaa xi nʼio tjío kjoamakjainle nda binyakao je familiale kao je jtín (Pr 14:1). Ningalani tsín koa̱n nga chjotajchínga kʼoa tsa siervo ministerial sʼin koatio tichjaa, koaan nga ndasa sʼin sixále je Jeobá. Jmé xi koa̱n sʼin.

• Kʼoakatamakjoaon josʼin mele Niná (1Ti 3:11; 1Pe 3:3-6).

• Tʼinyalao je tichjaa xi kje nanda tjínjinle kjoafaʼaitsjen (Tit 2:3-5).

• Ngisa tse kʼoa ngisa ndasʼin tʼinyason.

• Koaan kjaʼaí én chótʼayao.

• Koaan ya koanngínkʼainganʼio jñani choa mani xi tsoyason.

• Koaan tikʼasʼaon solicitud nga ya Betel si̱xáo kʼoa tsa ya jña sʼenda ndʼia jña ʼyaxkón Niná.

• Koaan tikʼasʼaon solicitud nga koanngión je Skuela xi síchjine je xi bakóyason tʼatsʼe Chjotaxále Niná.

KʼIANGA JECHÓTSENLAI JE VIDEO YÁNCHJÍN “XI NʼIO SÍXÁ TʼATSʼE NAINÁ”, CHÓTʼAYAJIN KJOACHJONANGI JEBI:

• Jósʼin kabasenkaoli jmeni xi tso tichjaa jebi.